45
18
11
港鐵大埔墟站 A1 出口, 步行約9分鐘 繼續閱讀
營業時間
今日營業
09:00-16:00
星期一至日
09:00-16:00
付款方式
現金
食評 (82)
明天請早 焦點食評
等級6 2017-06-12
752 瀏覽
大埔吃粉麵的地方奇多,要說最令人雲牽夢繫的,必定選蔡潤記。 自幾年前吃過後便愛上,每次來大埔都會出盡法寶來這裡,個人來說,我喜歡這個多於陳漢記。 粉腸是這裡的名物,咬下去那粉粉的感覺又有腸類的質感,滿有口感,點上那自家製的辣椒油,非常誘人。 最好是配河粉,滑得在舌頭可以順著滑到喉嚨去,還有那湯頭配上魚味,配上牛腩的洗禮,是整碗粉的精華。 最喜歡其小巧一碗碗的美,就算女孩都可吃得完。 魚蛋魚片魚片頭,都是魚香四射又具有強烈魚味的貨色,對比大埔街市,這裡的爽口和乾脆脷落,就如是現在外表玲瓏,但內裡是深不可測的女強人的感覺。 配辣椒油吃又是另一番感受,魚味更出眾,了不起的是那另一番的感覺就如你女友離別後,再度重逢的驚喜,新鮮感和快感,就如一條魚的香味把其全迫在一粒魚蛋中。 可惜,今天沒有炸魚皮,我告訴你,絕不可以錯過。 沒有胃口試牛腩,因為本身吃了東西才來,但當你吃到那有名的粉腸和魚蛋後,也不會遺憾了,唯有叫自己明天請早。 蔡潤記 大埔東昌街7號地下 繼續閱讀
(以上食評乃用戶個人意見 , 並不代表OpenRice之觀點。)
等級4 2017-03-08
872 瀏覽
早午餐加下午茶一次過,宿醉未醒,好很醉啊 ﹗痴左線咩,十點鐘爆晒場,有無咁好食呀?可口可樂夠晒冰凍降降溫 ﹗酷熱天氣行到身水身汗,好采冷氣夠勁乍!每到飯市必定高朋滿座,要平心靜氣耐心等候,15 分鐘叫幸運,30 分鐘叫正常。人山人海好采剛有單丁位唔洗等乍,坐低等足 30 分鐘終於有得食!真好生意。硬係覺得無以前咁好食既?不過我主要係食辣椒油,哈哈!所以最好以後都係少點配菜、多點粉麵,可以撈更多辣椒渣,諗下都開心,正呀!魚蛋鴛鴦加肚加底走蔥,居然出到金錢肚,您好野 ﹗又腍又入味,半爽半腍又帶一丁點彈,比牛腩更加出色,Good!魚蛋牛腩鴛鴦加底加皮走蔥,香脆有肉有骨的炸魚皮,重口味略咸略硬,浸湯半響變得半腍半脆濃度適中好好食,帶埋甜美湯汁品嚐,鬆化香口人間極品。加上腩汁的醬油湯汁份外濃郁甜美,牛肉味清爽,回味無窮。瘦牛腩黏著肥膏非常有趙頭,食落又不太肥喎。醃味充滿滷水清香,完全滲入牛腩纖維之中,還算合格。魚蛋鴛鴦加腸加底走蔥,叔叔們負責樓面及坐位安排,嬸嬸們負責廚房出品。果真係慢工出細貨,熱辣辣輕煙飄飄送上,香噴噴正到震啊!雪白結實的招牌魚蛋,彈力無比,魚味濃濃而泛著咸香,高質滿分!醬油湯汁清甜可口,不膩亦不濁,越飲就越想飲多幾啖。熟麵嚥韌彈牙,河粉軟棉滑溜,唔會硬掘掘,帶湯力特強,滾熱辣掃入口非常滿足。超好味,好好味,無得彈!豬粉腸,經常被報導的極品豬粉腸,滑彈鮮嫩,外彈內軟,水潤甜甜,甘香不苦澀,實在太利害喇。牛腩河走蔥,受寵惹驚,居然比坑腩我呀 ﹗坑腩位不得了,好感動啊,大愛 ﹗鬆軟的牛腩滲出澎湃肉汁,甜美醬油湯跟清爽滷水汁打得火熱,食得津津有味。牛筋黏黏膠膠,棉滑軟軟,醃味濃濃,超水準表現。不要怕醜,跟棉滑河粉大注大注啜入口中,豪邁奔放,好幸福啊 ﹗消失的辣椒渣,還返比我呀!辣椒渣係幾年前開始突然消牛得無影無蹤 ﹗問叔叔唔係講、問嬸嬸都唔係講,只回句係得油架乍,無架喇。您地到底收埋晒辣椒渣去邊呀?依家次次黎都無渣食,非常失望及傷心呢。一直等待再等待,搞錯呀!幾年黎都只得油,少少辣椒渣都無,是否真的那麼孤寒?粉麵都係其次,我主要係食辣椒渣,淨油唔夠香又唔夠辣,落左三羹都只能免強有一絲絲微辣,真可憐啊!大量辣椒淨油掛在每條粉麵之上,大啖大啖地將染得紅紅粉麵索入口中,微辣微香,不能滿足到我對刺激勁辣的期望啊 ﹗為左我最愛的辣椒渣,可以唔洗再黎喇,回歸新蔡好過囉!其實份量真的太少,食一大一細碗都得只 7 成飽,還是肚餓呢。 繼續閱讀
(以上食評乃用戶個人意見 , 並不代表OpenRice之觀點。)
等級2 2017-10-11
119 瀏覽
蔡潤記由大埔墟站行過去大約10分鐘的路程,不算很遠(但現在的天氣還是有點熱☀️)。我地大約中午12點到,未係好多人。我地叫左魚蛋魚片河$30,炸魚皮$24,淨牛腩$60!河粉偏細碗,但河粉很滑又淋,不錯。湯底較淡(雖然湯底係啡色)魚片同魚蛋都好細片同細粒,有點不夠喉,結果要點多一個淨魚片$30 share! 魚片較魚蛋好味,有少少彈牙,但如果可以厚一點,會更好味。魚蛋可能因為太細粒,不太彈牙,而且沒什麼味道。後面的一小碟牛腩切成小口size,好淋,已入味,但淨食有點喊,浸一浸係河粉到剛剛好。魚皮,跟平常的不一樣,一小塊的,但食落沒有魚皮味,只有炸粉的味道,又偏硬,麻麻。總括不過不失,但特別去的話,就有點失望了 繼續閱讀
(以上食評乃用戶個人意見 , 並不代表OpenRice之觀點。)
等級4 2017-09-15
146 瀏覽
前文講到我去咗陳漢記食腸粉,但我留力食下一站,就係食蔡潤記嘅魚蛋喇。午飯時間黎,好旺場,雖然唔洗等位,但一定要搭檯。想食乜?只要望住牆上面嘅餐牌就一目了然,呢度都幾彈性,雙拼唔洗加錢。不過我今日只想食魚蛋河($30)。湯頭偏濃味,我已經冇加腩汁都覺得重味,河粉好滑溜,魚蛋同魚片屬小巧型,細細粒咁,魚味幾足,亦夠彈牙。檯面有辣椒油,真係得油,冇辣椒渣,有啲可惜。一碗魚蛋粉,份量細細,食量大嘅未必夠飽,難怪我見周圍嘅食客,有啲淨食加碗麵,有啲加底,各適其適隨你鍾意點配搭。 繼續閱讀
(以上食評乃用戶個人意見 , 並不代表OpenRice之觀點。)
等級1 2017-06-20
261 瀏覽
用厚厚既粉漿…包住薄薄…韌到爆既一塊皮嚟炸…咬都咬唔開,仲過要浸返林佢先食😳連塊脆脆勁厚既粉皮都浸返林?!?!浸完入面塊魚皮都係韌到爆😠😠同佢講點解會咁…想唔要,佢仲話 : 係咁架喎…你咬唔到啫🙁我話我諗住係出面麵舖果隻…個收錢呀伯話 :咁你去第二到食啦…咁😠話要退錢…佢話: 落左單就無得退😡碗都仲要2啖就食哂魚旦一D都唔彈牙…又細粒…又散…以後唔會再去呢間野食…似住以為老店,服務差到爆…真好笑!!!!!!!!! 繼續閱讀
(以上食評乃用戶個人意見 , 並不代表OpenRice之觀點。)