拉麵天王

營業中

休息中

平日夜晚去食，舖頭有d 偏，係內街位置，所以搵左一排先搵到。去到門口，因為內街，同埋日式麵店既門面裝修，俾一種去左日本既感覺。去到入面會見到日本常見既拉麵吧，望住師父為你準備拿手拉麵，特別期待。胡椒豬骨湯拉麵(限定拉麵): 限定拉麵會定期轉換拉麵款式，今期呢個就係呢款拉麵。一黎就見到面頭有一大ja cheese，對於酷愛cheese 既我極為興奮cheese 落入湯底後慢慢溶化，變成半溶既cheese，加埋幼條拉麵 同 微辣既胡淑湯底，食落別有一番風味。胡淑湯底有少少辣，不過唔食得辣既人都幾可以食到。拉麵仲有d 叉燒，唔算好硬，同埋有少少肥，食落好易入口。最後飲埋個湯就大滿足喇。豚角：拉麵set 小食，有d 似東坡肉。油脂比較多，但亦因為咁而非常香口。加埋d 甜豉油，食落好好味。另外一碗d 肉都係豚角，不過就冇醬油，乾身d，一樣係淋淋地，算係另一種食法喇。最後當然要叫番支汽水，為呢個短暫既"日本之旅"作結。如果有波子汽水就更好喇...(咁啱冇哂呀！！)全部野加埋都係人均100 左右，有日本麵店既環境，都算唔錯喇。