契爺鮮入圍煮 (已結業)

忽然媽咪話興起想打邊爐，左搵右搵都唔知擇邊度好，見到一間都幾多好評，睇到環境同食物都唔差，今晚一家四人就係呢間打邊爐渡過，我地入場時人流算多，不過好快就有位，等一陣就入得，呢度既職員都好有禮貌，態度好好，睇到佢既價錢好抵食，之前都已經聽過朋友講話幾好食，加上好近我地屋企，試下都無壞，呢度食物種類選擇多，一落單坐好D野食就好快到！☑️首先叫了一個皮蛋芫荽鍋，就係貪佢清清地仲有芫荽味，撈一撈入面仲有好多皮蛋，好香，味道來講係好有層次，比起清湯更加好食，我地等佢滾起就放得嘢食☑️試試佢既手打鮮蝦丸，每一粒都排好晒咁出比我地，仲係職員親手打，裡面有好多蝦肉，食落好新鮮又好有蝦味，真材實料☑️安格斯級牛舌平時都食得多，但係咁足料比咁多又真係第一次，呢度已經有好多塊，而牛舌都係好香滑，好軟腍，牛味好重味道到位☑️加拿大象拔蚌味道同新鮮黎講真係好好，而佢既海鮮都唔例外，佢既海鮮好好食，仲要係加拿大既，偷偷地講，外國嘢係好食好多☑️鮮蝦水餃食過手打既原來仲有一個鮮蝦水餃，放滿晒蝦係入面，好好食，入面仲吸了好多湯汁，食起上來再加小小豉油已好有風味