Amelia Hong Kong

營業中

休息中

由於攜帶寵物，所以一早就通過電話預訂，覺得服務都幾好，聽電話嘅職員態度好好，亦都感覺好醒目。去到現場，都覺得服務態度優秀，注意細節，對動物都有愛心，冇遇上之前幾個差評所講嘅事。不過個afternoon set真係強差人意，完全唔知自己食咗啲乜嘢🙃啲餅淋嘅，仲要上面嗰pat甜野轉個頭就自己化解，流晒水咁樣好嘔心...雖然我坐室外比較熱，溶咗都無可厚非，但係真係好難食。鹹點仲過分，仲Hea過大家樂，嗰啲三文治仲衰過自己整。鬆餅都係，好似食光酥餅咁，一擺入口就吸晒啲口水，漿住個口😂食物份量都唔多亦都細件，女仔食都會覺得唔夠飽，作為一間中價嘅餐廳，咁嘅食物質素真係大鑊...飲品都唔係好掂，tea set只包English breakfast tea，我就加左幾十蚊要隻莓果茶，酸到hihi好難飲😩景觀方面望住個維港係可以嘅，不過對出嗰條路久不久會有送貨或者垃圾車經過。整體來講，個下午茶只係用嚟打卡影相📸️要講嘅話好處就係可以帶動物同埋服務好。