Number Fifteen (已結業)

今日去咗荔枝角食西餐。真係好耐冇食個咁高質素嘅西餐啦。呢間餐廳係工廈入邊，但係原來佢係一個隱藏嘅高質素西餐廳。自助沙律，真係好多選擇有火腿，生果，蕃茄，薯仔，生菜仲有好多餐廳自製嘅特色醬汁齋食沙律都已經好滿足，而且材料新鮮，食完之後好想再食多一碗。炭燒肉眼個味道真係不得了。肉眼燒得啱啱好，五成熟，肉本身嘅鮮味仲保留係入邊，溝埋啲忌廉汁，一級棒！忌廉汁好香濃，但係質感唔會好濃濁，唔知點樣整出嚟，真係太好食啦！另外真係不得不提餐廳嘅法式麵包，外皮香脆，入邊鬆軟，真係好高質素，法式麵包搽咗啲牛油上去，再加埋餐廳自製既蘋果醬，個味道真係好有層次感！食完餐，最後嚟咗個香濃熱朱古力，個味道真係超級香濃，而且外觀得體，只能說呢間餐廳質數超高，下次一定會帶男朋友一齊嚟食。