更多
2016-11-30
1048 瀏覽
今日難得胖侶個 daddy 唔使賭馬就同佢去行個大運先,佢提議去錦田一帶遊吓車河,印像中呢度都有好幾間茶檔,不過上次黎而又有坐低食野都恐防超過十年喇,今日好好回味吓先。意外搵到呢間舊式茶樓重竟然有水吧,即刻嗌杯凍奶茶先,不過就同普通茶仔爭咁啲喇。呢副爐具 long time no see..雖然個人對鵪鶉蛋燒賣無特別喜好亦都完全唔會話要掛念,不過冇見咁耐嘅嘢點都要嗌返一籠嘅。蝦餃皮極厚,內餡亦都唔係好夠味,唯有點吓野啦。又係一樣喺民間幾乎失傳嘅嘢,魚翅餃,即刻諗起周星星嘅唔似貓唔似狗師奶淫得很,個餃黎講呢就粉絲都唔係好搵到一條喇,都係豬肉餃一隻咁啦。排骨醃得入味,肥多過瘦嘅比例亦都多數係舊式茶樓先會做,係就係邪惡啲,不過多肥真係滑好多㗎。糯米雞汁多味濃,餡料方面除咗最常食到嘅肥豬肉,雞翼,臘腸同冬菇之外,最過癮係有塊火腩喺入面。
張貼