Lab Made 分子雪糕專門店 (已結業)

呢日係愚人節，又係復活節假，諗住出去銅鑼灣行下睇哥哥10週年紀念展，順路行過大坑搵野食。咁岩見到lab made,之前都見有friend係Instagram 提過，見到成間舖出哂煙已經吸引左我既視線，以我貪新鮮又好奇既性格，決定試一試啦。最後揀左Mango Gelato.雪糕球上面有一層鮮橙黃色既mango jam,顏色好bright好sharp,very stunning!只見幾個staff不停加唔同顏色既powder落個攪拌機到，一路攪就不停有啲白煙飄出黎，相信應該係nitrogen黎既，真係好似置身仙境咁，如果staff著住fairy 既consume個畫面應該會幾得意XD不過個雲糕質感真係幾滑，味道唔會太甜岩我口味，個mango jam同雪糕好match,雪糕有好香芒果味，但唔知係咪因為知道佢係份子雪糕既關係，我會凝住個感覺好假咁，好似食緊啲化學物質，而且價錢有少少貴，同Hagen-daz差唔多，四十蚊一個球多啲。不過overall 覺得幾得意，可以睇住成個整雪糕既過程，新野可以試一試。