影片
更多
2016-12-07
151 瀏覽
我曾經都講過話爸爸係一個潮州大漢，無論做事又好，性格又好，都有着一個潮州大漢嘅大男人性格。食嘢當然係有要求喇，唔食得嘅嘢，絕對唔會放落口。嗰份堅持呢，真係我想學都學唔到。食慣潮州菜嘅佢，當然係對潮州菜嘅要求特別高。嚟到呢到比我爸爸品嚐下呢到嘅水準夠唔夠先。場地中式設計，坐枱都好有古代客棧嘅感覺。用嘅係木枱，櫈係古式的長櫈，相有風味。潮州人鍾意食牛大家都知道，所以嚟到呢度點可以唔試吓牛。今次就試咗佢嘅牛雜鍋。份量有大份同埋小份選擇，而我地得兩個人就選擇左小份。但係原來小份嘅份量都非常之多，入面嘅牛雜除咗有常見嘅牛肚，牛腸，仲會有埋牛栢葉等等嘅特別部位。味道十分之香濃，好有牛嘅味道。各部位都炆得好入味，好軟身。而佢攞出黎嗰陣時候會係一個小窩，下邊仲會有一個火烘住，所以唔怕凍左唔好食。佢會一路keep住熱辣辣。另外大家不妨試吓飲埋佢嘅牛雜湯，係精華所在，湯一啲都唔油膩，非常之好食。鐵板茄子--雖然唔係出名嘅潮州菜，但係拒煮得好好。茄子用鐵板以，出到嚟嘅時候d汁仲沸騰緊，茄子軟硬程度剛好，所調製的醬汁好夾。手工捻面猴--自問講得出兩句潮州話嘅我，完全諗唔到呢個名潮州話點讀， 更加諗唔到呢一個係
我曾經都講過話爸爸係一個潮州大漢，無論做事又好，性格又好，都有着一個潮州大漢嘅大男人性格。食嘢當然係有要求喇，唔食得嘅嘢，絕對唔會放落口。嗰份堅持呢，真係我想學都學唔到。
食慣潮州菜嘅佢，當然係對潮州菜嘅要求特別高。嚟到呢到比我爸爸品嚐下呢到嘅水準夠唔夠先。場地中式設計，坐枱都好有古代客棧嘅感覺。用嘅係木枱，櫈係古式的長櫈，相有風味。
潮州人鍾意食牛大家都知道，所以嚟到呢度點可以唔試吓牛。今次就試咗佢嘅牛雜鍋。份量有大份同埋小份選擇，而我地得兩個人就選擇左小份。
但係原來小份嘅份量都非常之多，入面嘅牛雜除咗有常見嘅牛肚，牛腸，仲會有埋牛栢葉等等嘅特別部位。
味道十分之香濃，好有牛嘅味道。各部位都炆得好入味，好軟身。而佢攞出黎嗰陣時候會係一個小窩，下邊仲會有一個火烘住，所以唔怕凍左唔好食。佢會一路keep住熱辣辣。另外大家不妨試吓飲埋佢嘅牛雜湯，係精華所在，湯一啲都唔油膩，非常之好食。鐵板茄子--雖然唔係出名嘅潮州菜，但係拒煮得好好。茄子用鐵板以，出到嚟嘅時候d汁仲沸騰緊，茄子軟硬程度剛好，所調製的醬汁好夾。
手工捻面猴--自問講得出兩句潮州話嘅我，完全諗唔到呢個名潮州話點讀， 更加諗唔到呢一個係一個乜嘢嘅食品。但係親愛嘅爸爸就話，得啦！呢個啦，呢個好食架啦，包好食呀。。
估唔到又幾好食喎，呢個有少少似油油渣麵嘅味道，但係比起油渣麵會更多咗一啲嘅鹹香，應該係蝦乾或魚乾嘅味道。而佢個面係一啲手打嘅面，非常之煙韌，厚身，有質感。
爸爸，你無介紹錯喎！出嚟食飯嘅時候帶埋爸爸有一樣野好，就係爸爸食嘅嘢未必係我平時成日會叫嘅野。但係佢嗌嘅嘢可好多係我從來未接觸過嘅嘢，甘樣嘅話我先可以試到更多。
張貼
