逸 壽司 (已結業)

最近自己一個人去咗尖沙咀買生日禮物比個好朋友，買完之後連自己都想獎勵埋自己，所以決定食返餐好少少嘅lunch😁😆😝當然去食我最喜歡食嘅日本菜啦！唔想諗嘅情況底下，再次去咗《逸壽司》食佢哋嘅午餐定食，因為呢度真心抵食的，價錢由$88到百零蚊，已經可以食到超高質嘅丼飯同壽司Set 套餐，價錢真係超級親民！🥰❤️今次我就點咗炙燒壽司盛呢個套餐，入面包咗八款不同壽司加鰻魚手卷，店員先上沙律及麵豉湯，隨後壽司師傅就為我送上壽司拼盤，有三文魚、立魚、秋刀魚、金線鯛、帶子、左口魚裙邊、熟蝦、蟹柳壽司🍣，每件壽司都係精心製作的，魚味鮮甜，我特別喜歡金線鯛、帶子及左口魚裙邊壽司！最後就送上鰻魚手卷，每次食完都好滿足的！🥰😍😘