億饍 (已結業)

呢一間餐廳 我會再來！依家真係愈黎愈少餐廳我會食完再食 念念不忘的 因為依家好多餐廳都只愛賣相靚，卻忽略左食物既質素！呢一間位於旺角與油麻地之間既餐廳，係油麻地地鐵站行去餐廳只需要5分鐘左右，都幾易搵！上到去，餐廳都相算寬敞，中式既裝潢。Menu上既菜色都幾吸引，我第一眼就比冬陰公海鮮湯河吸引著😚😚😚 呢個湯河份量比我想像中大，如果你係女仔既話，應該會覺得飽到上心口😂 味道方面，冬陰公味都幾濃，仲有微微的辣，更加刺激到味蓄同我既食慾😍 不過要留意 湯河要快快食 如果唔係就索晒d湯啦！之後仲要叫個香芒蟹肉炒飯，平時一見到有「芒果」雙眼就會發光既我，今次都唔例外。初頭以為芒果肉應該會切粒，同埋果肉既份量不奢太多，但來到又是一個驚喜，差不多有半個芒果既份量！未食已經覺得好幸福！同樣地呢個炒飯嘅份量都係相當大，雖然蝦肉就比較少，但係餐廳調嘅炒飯亦相當不錯。仲有，不得不提既係呢到既「燉湯」，通常依家好多餐廳都係加味精，但呢到到燉湯的確有種執著，一飲就知道了！