影片
更多
2019-03-30
8637 瀏覽
蘇媽．蘇媽由裝修由菜單都被數家餐廳所複製(OR抄襲)今日自己一個閒逛，穿過基隆街街市，發現人山人海的蘇媽．蘇媽輾轉之下都係決定停低一試中午繁忙時間，等了近半個鐘才有位其間見識到一啲古怪客，唔排隊、借故入座帶位店員應對得體，請返佢出去等(拍手~)座位不算闊落，枱面細細，菜單選擇不少，採用較環保的重用膠板＋粉筆(讚!)有一點好唔明佢加$12可以變套餐，with白飯同茶/咖啡。問可唔可以白飯加錢轉椰漿飯？答案係：「唔得」(截至3月29日)除非你散嗌，(即是加$15淨嗌椰漿飯，唔包飲品)由於好唔抵，所以都係白飯算。椰香咖央多士($22)鬆脆可口，咬落有聲咖央望落有如凝脂，香濃綿滑，非常美味！而且咖央份量方面亦很足料，啖啖都食到咖央醬。我覺得比我早幾年在新加坡食到的更為佳味。一字骨($46)見到食評有人話皇帝骨比較乾，所以我今次揀一字骨。冇伏。跟足指示，先混醬、飲湯、後食肉(蘸醬)、再飲湯一點完菜，店員已經送上一碗肉骨茶湯。蒜味香濃，川芎味突出，個人覺得唔錯。我點的一字骨係兩件大肉排，附著的脂肪有點嚇人，不過食落剛好點上醬之後變得好食，尤其濃稠的黑醬味蘸上肉得後更顯鮮甜。睇落份量細細，食落甚實都
今日自己一個閒逛，穿過基隆街街市，發現人山人海的蘇媽．蘇媽
輾轉之下都係決定停低一試
中午繁忙時間，等了近半個鐘才有位
其間見識到一啲古怪客，唔排隊、借故入座
帶位店員應對得體，請返佢出去等(拍手~)
座位不算闊落，枱面細細，
菜單選擇不少，採用較環保的重用膠板＋粉筆(讚!)
有一點好唔明
佢加$12可以變套餐，with白飯同茶/咖啡。
問可唔可以白飯加錢轉椰漿飯？答案係：「唔得」(截至3月29日)
除非你散嗌，(即是加$15淨嗌椰漿飯，唔包飲品)
由於好唔抵，所以都係白飯算。
椰香咖央多士($22)
鬆脆可口，咬落有聲
咖央望落有如凝脂，香濃綿滑，非常美味！
而且咖央份量方面亦很足料，啖啖都食到咖央醬。
我覺得比我早幾年在新加坡食到的更為佳味。
一字骨($46)
見到食評有人話皇帝骨比較乾，所以我今次揀一字骨。冇伏。
跟足指示，先混醬、飲湯、後食肉(蘸醬)、再飲湯
一點完菜，店員已經送上一碗肉骨茶湯。
蒜味香濃，川芎味突出，個人覺得唔錯。
我點的一字骨係兩件大肉排，
附著的脂肪有點嚇人，不過食落剛好
點上醬之後變得好食，尤其濃稠的黑醬味蘸上肉得後更顯鮮甜。
睇落份量細細，食落甚實都幾飽肚。
馬來西亞拉茶
上檯時起晒泡，待我食完主食已慢慢消減。
入口味道甚甜，
茶香味稍弱，其餘與茶餐廳奶茶分別不大，品質亦只屬一般水平。
總括而言
咁樣一餐lunch我食咗$80。我覺得係抵既。
佢的肉骨茶係毀譽參半，我會企响讚個邊。
但椰香咖央多士相比之下更出色。必食推介！
但一位都要等近半個鐘我覺得唔係太能夠接受。
可能下次揀少人啲時先再會幫襯。
張貼
