影片
更多
2010-09-19
122 瀏覽
是日於中環吃午餐，時間非常趕，不能慢慢嘆，心想一直未黎過呢度食野，就衝左入黎啦。下午一時多，店內坐滿了人，一入去老闆娘同店員一直話有位，我就一直都見唔到，原來有位就係指門口有兩張高櫈.... 哈，不過有風扇吹住其實坐得ok舒服的。個老闆娘講野快到其實我唔係好知佢講咩，不過唔駛佢介紹自己搞掂算數。兩個人叫左一碗車仔麵，再加一個「聖保羅豬扒包」一齊食，係咪每一樣野食都要加個名勝係前面架呢？不過我覺得其實最好笑係個老闆娘，佢真係好風趣，又識介紹，原本我地只係揀左兩餸，佢就話「加 $ 2 有多個餸呀，你去買餸都唔止啦」「我地D瑞士雞翼呀，拍得住太平館呀.....」等等等等.....最後我地就聽佢講要左瑞士雞翼+新推出既澳門魚腐+豬腩肉，由於唔鍾意食撈麵所以要左湯上，再加一杯野飲盛惠 $30~~~ 黎到雞翼係另上的，再加一匙香蒜，加左味道更香更好吃。湯底非常濃，帶點點甜味，雞翼真係幾好食喎，食落肉質幾滑而且瑞士汁味道又夠濃。豬腩肉真係有幾層架，食落一d都唔會覺得肥，索左d湯汁幾好食。最後就係魚腐，食落幾彈牙，又有魚肉香，味道唔錯呀~ 全部都覺得幾好食喎。「聖保羅豬扒包」就比較一般啦，不過都唔難食
個老闆娘講野快到其實我唔係好知佢講咩，不過唔駛佢介紹自己搞掂算數。兩個人叫左一碗車仔麵，再加一個「聖保羅豬扒包」一齊食，係咪每一樣野食都要加個名勝係前面架呢？
不過我覺得其實最好笑係個老闆娘，佢真係好風趣，又識介紹，原本我地只係揀左兩餸，佢就話「加 $ 2 有多個餸呀，你去買餸都唔止啦」「我地D瑞士雞翼呀，拍得住太平館呀.....」等等等等.....
最後我地就聽佢講要左瑞士雞翼+新推出既澳門魚腐+豬腩肉，由於唔鍾意食撈麵所以要左湯上，再加一杯野飲盛惠 $30~~~ 黎到雞翼係另上的，再加一匙香蒜，加左味道更香更好吃。湯底非常濃，帶點點甜味，雞翼真係幾好食喎，食落肉質幾滑而且瑞士汁味道又夠濃。豬腩肉真係有幾層架，食落一d都唔會覺得肥，索左d湯汁幾好食。最後就係魚腐，食落幾彈牙，又有魚肉香，味道唔錯呀~ 全部都覺得幾好食喎。
「聖保羅豬扒包」就比較一般啦，不過都唔難食既，唔係用豬仔包係大餐包呢個好合我意，因為我唔鍾意食太硬既麵包，呢度個餐包咬落又淋又有麵包香，喜歡喜歡~~ 豬扒幾香口，不過有DD乾身，味道唔算特別突出，加埋酸酸地既沙律醬，係唔會難食的。
兩食物兩飲品加埋都係 $56，ok啦，呢個價錢係中環唔貴既。而且我最鍾意個老闆娘，成日同我地有講有笑，下次要黎食第二樣野。=)))
張貼
