影片
更多
2021-09-09
1845 瀏覽
呢間絕對係我最喜愛火鍋店！環境舒服好坐，服務超級好，湯底有特色，食物新鮮好味！小店裝修專登扮舊式大牌檔咁連播既歌都係以前啲香港流行曲好有特色！但就一啲都唔似真正大牌檔咁污糟勁有港式打邊爐Feel，但又食得舒舒服服，好正！服務方面，我想俾滿分佢！其實我係一個好奄尖既人，但佢既服務真心好到我冇得挑剔！香港既餐廳，咁既價錢，咁既服務，令我勁震驚！我地個日只係叫左每位$268既二人套餐但佢既服務好過五星級酒店！一開始我地用gas爐，但太近冷氣，個爐唔係好滾得起都食到既，但就會慢啲等耐啲全個餐到齊個時，有個店員黎問我地調唔調位正當我心諗：玩野？成枱餸，調乜位？佢勁有禮貌咁解釋頭先電池爐枱滿晒，唯有俾呢張枱我地岩岩有張枱清左，想我地食得舒服啲涼啲，個爐滾得快啲係想俾多個選擇我地，絕對唔係迫我地調位我話好之後，佢地就幾個人黎極速幫我地搬晒啲野去新枱平時去餐廳食飯，你敢唔敢食食下開口話要調張舒服啲既枱？呢到唔洗你開口，佢主動提出，搞咁多野就係想你食得舒服啲我地個日叫左蕃茄魚湯，啲店員隔一陣就黎幫我地睇下條魚熟未一熟就用碟裝起，同我地講煮太耐會好鞋口用碟放起方便我地食個餐有個三寶滑店員會主動黎幫你整仲驚
環境舒服好坐，服務超級好，湯底有特色，食物新鮮好味！
小店裝修專登扮舊式大牌檔咁連播既歌都係以前啲香港流行曲
好有特色！
但就一啲都唔似真正大牌檔咁污糟
勁有港式打邊爐Feel，但又食得舒舒服服，好正！
服務方面，我想俾滿分佢！
其實我係一個好奄尖既人，但佢既服務真心好到我冇得挑剔！
香港既餐廳，咁既價錢，咁既服務，令我勁震驚！
我地個日只係叫左每位$268既二人套餐
但佢既服務好過五星級酒店！
一開始我地用gas爐，但太近冷氣，個爐唔係好滾得起
都食到既，但就會慢啲等耐啲
全個餐到齊個時，有個店員黎問我地調唔調位
正當我心諗：玩野？成枱餸，調乜位？
佢勁有禮貌咁解釋頭先電池爐枱滿晒，唯有俾呢張枱我地
岩岩有張枱清左，想我地食得舒服啲涼啲，個爐滾得快啲
係想俾多個選擇我地，絕對唔係迫我地調位
我話好之後，佢地就幾個人黎極速幫我地搬晒啲野去新枱
平時去餐廳食飯，你敢唔敢食食下開口話要調張舒服啲既枱？
呢到唔洗你開口，佢主動提出，搞咁多野就係想你食得舒服啲
我地個日叫左蕃茄魚湯，啲店員隔一陣就黎幫我地睇下條魚熟未
一熟就用碟裝起，同我地講煮太耐會好鞋口
用碟放起方便我地食
個餐有個三寶滑
店員會主動黎幫你整
仲驚一次過落晒會太多，分2次黎幫你整
平時就算散叫收你百幾蚊個蝦滑個啲餐館，都要自己落手慢慢片la
呢到咩都唔洗煩，坐定定等食！
呢到既服務真心超好，每樣都係店員主動黎幫你
老闆應該要加佢地人工！
個餐真係好抵食！仲要每樣野都好味！
包埋湯底
好多特式湯底可以揀，仲有得免費轉埋做鴛鴦鍋
勁多野食，每款都有啲
有牛、雞、三寶滑、水餃、鴨血、貢丸、陳皮魚蛋、響鈴同蔬菜拼盤
多到差啲食唔晒，唔洗再額外叫野食！
仲要每人包一支/罐野飲！
滋潤木瓜蕃茄鮮魚湯+清燉山藥菌菇湯
有勁大條魚係入面，好誇張
店員仲會間中黎睇住，條魚一熟就裝起俾你食
個湯超濃蕃茄味同魚味！唔係個啲好假既化學味！
藥材湯味都係超濃，但食到後面有少少苦，下次都係唔懶健康哈哈
手切牛肉
牛味超濃，厚薄適中，油脂分佈平均，唔會好韌！
花鵰雞
厚肉，唔係得骨，亦唔會勁肥勁多油！
三寶滑
爽口彈牙，唔會太咸（之前聽過係唔新鮮先會咸！）
店員會主動過黎幫你片落鍋，好貼心！
醬爆貢丸
本身對丸冇乜特別期望，但呢個好有驚喜！
入面啲餡好惹味！比平時食既丸好味！
陳皮魚蛋
好似好少火鍋店有得食，好實好彈牙！
響鈴
好大件，好香脆，冇油膉味！
整體黎講，每樣食物我都好滿意！
真心高質！！成餐飯都冇伏位！！
以後同FD打邊爐一定會黎番呢到！！
超多謝食家朋友既推介！正呀
張貼
