回到味來 (已結業)

以前都有食過雞煲，感覺好惹味。所以間中都會搵雞煲嘅餐廳品嚐一下今次搵到旺角呢間 回到未來除咗雞煲佢仲有好多唔同嘅鍋底打邊爐呢間舖有幾款主打: 惡魔雞煲，分小辣、中辣、大辣同終極大魔頭(極辣)任均選擇有養生藥膳湯底，藥膳紅燒牛肉鍋，當歸鴨等等醬油配料會先放台，自己調好就會拎走我就唔中意加野，淨醬油就夠。惡魔雞煲小惡魔又香又麻，本以為小惡魔我應該食得到，仲同男友講「我應該食到既」，我承認我錯了。。。我諗我要食返多d辣野，練返食辣先得，因為男友覺得辣味唔錯，又夠惹味，而我就要即時嗌野飲舒緩一下口腔內既火辣辣。辣味完全係口中爆發，好香既花椒味，仲有香葉，洋蔥乾辣椒，蒜頭等等既配料雞肉岩岩熟，依然嫩滑唔鞋口，雖然半隻，但份量十足。雖然對於我黎講辣左D，但我都因為惹味，食完一舊又一舊食完雞煲就加湯打邊爐啦，店員加湯時好窩心用手掩一掩，就算第2次店員都係加湯切牛頸脊 細份滑嫩之中帶有少少牛肉味，牛始終都係唔好太熟，就會有滑既感覺即炸響鈴雖然十分之熱氣，但係仍然無法抗拒咬落去咔嚓聲既鬆脆感，上枱既時候仍然有熱度。打邊爐當然都要食d菜啦，萵筍+皇帝菜， 之前食過一次之後就覺得萵筍特別甜，所以次次都會嗌，