為食仔海鮮火鍋專門店

營業中

休息中

天氣開始凍凍地好想食暖身嘢食，  專程黎熱一熱身！卜卜蜆其實係為食仔海鮮火鍋專門店的招牌菜 ，但仲就咁食卜卜蜆就算？而家當然並非一般火鍋咁簡單！今日我就想挑戰18禁卜卜蜆雞煲 ： 一個又食到蜆又食到雞既火鍋 ！ 18禁既辣係由唔同既椒製成，只係嗌左BB辣但係BB辣都已經夠曬刺激啦喂！仲要份量超超超多！睇住一隻一隻卜卜蜆打開，好過隱嫁！  蜆開殼後，就可以開始夾夾夾，手快有手慢無嫁啦，蜆肉非常新鮮香嫩！ 只需要 $138 就唔使去街市唔使去洗碗！好抵食！食完曬BB辣雞就可以叫哥哥仔幫手落下湯啦，再加入其他火鍋配料，記得落埋好多好多蒜蓉，個湯又有D蜆汁留係個火鍋湯底入面，正呀！（不過食完好口臭）火鍋配料方面我地首先叫咗碟日本鹿兒島A4和牛：油花就係咁靚仔，脂肪比例平均，牛肉香味入口感到很重，食過就知道厲害。另外餐廳有附送花生醬，花生味好重應該係自己整嘅，唔似係超級市場買既個D日本麻醬，絕配！另外見到個餐牌有黑松露鮮蝦餃覺得好特別叫咗嚟食，以為會好奇怪啦又估唔到竟然好好食，如果你係鍾意食黑松露一定要叫黎食下。