波記燒臘粉麵店

營業中

休息中

喺西環嘅波記燒臘粉麵店，相信唔使我多介紹，好多人都識☺️係我心目中佢亦都係第一位嘅燒臘店，尤其是佢嘅燒鵝真係特別好食。回想返我第一次幫襯波記嘅時候應該已經有十幾年前，當時佢嘅舖位仲係喺山道天橋底下面嘅一間大舖，有冇人同我一樣已經幫襯左咁多年，食過舊舖呢？🤪不過就算搬咗舖都好，佢哋嘅質素一直都冇變，今次我同朋友下午兩點幾去到，已經冇晒燒鵝髀，所以我哋分別叫咗燒鵝瀨粉同燒鵝飯，佢哋嘅燒鵝實在係燒得好出色，好香，外層皮好脆，百吃不厭🥢如果有心想試佢哋嘅燒鵝髀，建議你哋一早去到，佢哋開11:30 ，最好12點之前就去啦。