牛站(駅)麻辣火鍋放題

營業中

休息中

呢幾日天氣又變番凍，同朋友聚會，佢提議我地去牛駅烚下烚下😄，呢度嘅放題有成120分鐘，好適合我哋可以傾吓計！呢度嘅湯底有好多選擇，啲天氣咁凍，我哋揀咗鴛鴦鍋～雪梨蘋果豬骨鍋拼美顏花膠竹絲雞鍋，湯頭清潤，入口甘甜，好滋補！🥰套餐肉類無限供應，仲有好多熟食和飲品甜品，可以自助區攞，係等緊個湯滾期間，我哋已經喺熟食區refill咗兩轉。特別推介美國極黑和牛，切得夠薄冇酥味，肉質軟淰有牛味，拖一拖，30秒就食得。另外仲有蝦滑、墨魚滑、鴨血、粟米貢丸、魚片、水晶魷魚、羽衣甘藍等 ，水晶魷魚非常彈牙，我哋encore咗好多次添！