幸福班戟 (已結業)

好耐好耐之前去過銅鑼灣分店排左個幾兩個鐘食幸福班戟，不過呢，果一次既體驗一啲都唔幸福。首先，我食到班戟之前已經排左個幾兩個鐘，真係攰到傻，餓到走左落下層既星巴克買左杯野飲邊飲邊等。然後，我竟然揀左味道麻麻既鹹食班戟，真係食到我o晒咀。。。搞到我對幸福班戟既第一印象係超級差。。。而且鹹班戟配既蛋又不太滑，真心好失望🤦🏻‍♀️ 或者我本身對空氣班戟既喜感真係唔大！仲有，佢地既用餐時限為90分鐘，要注意⚠️後尾因為朋友關係，我都有再比多次機會幸福班戟去左佢地既尖沙咀分店試佢地既甜班戟，遲啲係另一邊再講我既食後感。今次既總結就係我完全唔推薦佢地既鹹食班戟😓