億饍 (已結業)

有睇開我文既人都知我好耐之前已經去過億饍品嚐佢既靚菜大獲好評。今日我又返黎啦.... 今次目的只有一個，就係飲湯進補呀。第二次黎心情好緊張呀!今次黎佢又有新野出，果然沒有令我失望。億饍時時刻刻都保持上進心，值得讚揚。仲有其他多國菜同唔同既小食中越泰大雜匯咁款，真係好正架。好明顯我今次只係想飲湯啦...即上呀，係超級靚湯。無味精無雞精無白骨精既最強靚湯。花膠烏雞香菇燉湯，雞味已經濃濃咁鑽入左湯水入面，帶有丁點既香菇香，從香味帶出菇味，花膠唔會太多遮蓋左雞既精髓，搞到我都好想返屋企自己煲呀！絕對推薦大家一試。之後都叫左有海南雞飯(半隻) 同埋其他小食。男朋友仲好似怕我唔夠飽，神秘地叫左碗甜品比我。係咁叫我食多幾淡。原本係椰汁蛋白燉燕窩...... 椰汁好重味，依稀地食到一粒粒既燕窩碎。好正呀!叫既時候店員仲好好心地提醒要20分鐘等待時間。上桌時真係熱辣辣架，差D辣親嘴，認真地係即叫即整。呢間餐廳已經變成我養生之地。一定會黎第三次。