紅樹林 (已結業)

今次我食西班牙海鮮炒扁意粉，味道真係幾好，酸酸甜甜，好醒胃。但喱間，服務真係好唔掂，唔夠人就請多人啦！我要幫人買個外賣lunch，我驚耐，已經係我飲完餐湯即叫，知都要等到我食完後15分鐘，三催四請先有份外賣，搞架！好搞笑，侍應做慢吞吞，好似行catwalk咁！反而個經理& 副經理勁爽快，尤其個男副經理一手5、6碟俾客人，侍應真係要檢討！當我食完個餐，見個外賣仲未，就個侍應問，知佢勁stupid，企係到同我講單好亂，應該整緊，我即刻火都埋。你扮同我講去跟進下都好丫，只係話應該整緊，萬一真係未整咁先，勁低能。我好聲好氣叫佢同我跟進，我話我好趕時間，佢唔理我就走去，真係俾佢激到我啤一聲。如果唔係見佢掛著個見習牌，我實投訴佢。後尾，我副經理，人即刻幫我搞，副經理真係唔同。