16 Shell (已結業)

謝霆鋒我細細個已經好鍾意睇佢做戲 估唔到佢煮嘢食都好有心得 今日嚟到天后嘅呢間16 shells 餐廳話當中有幾款食物都係由謝霆鋒親手設計食譜 換而言知 啫係可以間接食到偶像嘅手勢 超級興奮 開心咗成個禮拜 由於一早book咗位 所以唔使等 餐廳以酒吧風去設計 好有格調 首先叫咗個峰味黑蒜麵包 聽個名就知係偶像設計㗎啦 麵包分量都幾多 而且聞落好香蒜蓉味 上面好似落咗橄欖油咁 咬落外脆內軟 特別之處 係食落裏裏外外都充滿蒜頭嘅香味 白酒煮蜆 蜆嘅份量好多 而且隻隻都飽滿大大粒 啲蜆畀醬汁浸住醬汁 有牛油香味同淡淡嘅白酒香 同時酒精喺煮嘅時候都揮發曬 冇酒嘅苦澀味 女仔都啱食 蜆肉好鮮甜 冇沙 蒜香雞肉扁意粉 唔講以為係避風塘口味嘅意粉 因為上面嘅炸蒜超級多 連主菜都遮住 蒜香味好濃 雞扒嫩滑多汁 配上扁意粉爽口彈牙好食 跟住又係偶像設計嘅峰味黑松露pizza 呢個pizza做法我真係未見過 佢個餅底係用酥皮去做 上面加上千島醬同黑松露醬汁 再加上海鮮芝士同埋火箭菜 酥皮做嘅餅底好鬆脆 醬汁配搭好合適 咬落去黑松露汁同海鮮味互相配合 加上海鮮同埋火箭菜一齊食 簡直天作之合 不過我覺得似