香滑咖喱屋 (已結業)

唔係呀嗎﹐我係第一個寫﹐呢度好鬼多人食架播﹐重有不少鬼老添。我麻麻地鍾意食咖喱﹐個日中午經過﹐見人不多﹐便進去試試。咖喱碟頭飯不算很平﹐$35不包飲品﹐有羊肉、牛肉、雞翼、牛腩等等。似乎幾多人食牛腩﹐我就叫了雞翼飯﹐加凍奶茶$5。來到一大碗雞翼和汁﹐雞翼有五隻﹐算幾多﹐我要了中辣﹐個汁都算做到中辣。飯很多﹐我就一定食唔晒。對面個男人﹐係咁吼住我碟飯﹐好似想我分D 比佢咁。佢自己就將碟飯同個汁通通食晒。如果佢係一隻狗﹐我或者會可憐下﹐比佢食我碟飯﹐不過佢係一個男人﹐當然無行喇﹗