成都老碼頭火鍋 (已結業)

成都老碼頭主打川菜,佢又張自己裝修到好有宮廷feel。見佢格局都幾大。我地6點就去左食,因為7點30前埋單有折。咁岩撞正佢1周年,今日加10蚊就有一份牛舌,好抵,當然有要到啦!加25蚊就有水果任飲,我同朋友都加左。好中意食海鮮既我地叫左半份蝦,唔同種類既蚌,好鮮好脆。仲叫左鮮octopus同埋花膠釀肉。成日打邊爐但我打極都唔厭既原因係因為好多hotpot店可選既食物都唔同。感覺上呢間有好多特色既野食,特別係花膠釀肉,用d花膠包住d豬肉,好似仲食到磥肉添呀!任食水果有西瓜同熱情果,西瓜好鮮甜。呢度有位侍應服務都幾好,主動提我地7點半前埋單有折,又推介10蚊牛舌比我地,佢唔講我地都唔覺。呢度上菜快,我地好快就食完啦!