和牛燒肉‧純

男友人今晚book左呢度食晚飯，話出左糧要食好啲。牛嘅嘢我無乜研究，佢揀左幾款肉，食落每款都好正。先有熱毛巾抹手，然後食沙律先，係酸酸嘅柚子汁，好醒胃。首先燒日本產和牛上牛排肉，一入口好味到講唔到野，牛味極濃之餘仲有滿口油香。然後就燒特選和牛牛排肉，呢款脂肪更均勻，軟綿綿的，好幸福。燒和牛期間會釋出油份，將蔬菜沾啲油一齊燒，連啲菜都有好濃嘅牛味。最後就燒和牛肉眼扒，加檸檬汁同鹽，拌飯好正！食完牛就食豬，呢個豬腩肉入口唔肥膩，好味呀。