影片
更多
2018-11-19
687 瀏覽
估唔到上個禮拜食完泰國船麵，一個禮拜之後又再有機會去到尖沙咀呢間泰國餐廳食。大約半年之前尖沙咀就開滿咗食船麵嘅地方，至於點解揀呢間？其實冇乜原因，只係因為佢係Isquare對面，非常就腳；門口裝修又好有風情，所以就揀咗呢間餐廳。價錢唔貴，大約七十蚊就有一碗船麵，小食都係25-40蚊左右，款式選擇多。船麵除咗船河湯底，仲可以選清湯同埋冬陰功湯底。我同朋友既然黎到船麵專門店，梗係要揀一個船河湯底；但係我哋又係鍾意食辣嘅人，所以都想試埋冬陰功湯底。.黑豚肉船麵有幾塊黑豚之外，仲有白蘿蔔、魚蛋、炸豬皮等等嘅配料。選擇左泰式河粉，河粉唔算好索水，所以即使湯底有少少鹹，食落都唔會好咸；黑豚肉索曬船河嘅味，其他配料亦都好入味，份量十足！一個女仔食完就差唔多夠飽。湯底有少少花生醬嘅鹹鹹哋。.另一個揀咗雞髀肉冬陰功湯底。金邊粉相對河粉更加索水，辣得嚟帶有椰汁味嘅冬陰功湯畀金邊粉吸曬，喺食完曬啲粉嘅時候，湯底其實所淨無幾。辣得嚟夠曬惹味，食完唔算好頸渴；雞髀肉之外仲有菇，秋葵，海鮮等等。.另外嗌咗三個小食，分別係青木瓜沙律、炸芝士雲吞同埋烚生菜配秘製腐乳醬。青木瓜沙律確實有啲辣，木瓜絲相當爽口。炸芝士雲吞
價錢唔貴，大約七十蚊就有一碗船麵，小食都係25-40蚊左右，款式選擇多。
船麵除咗船河湯底，仲可以選清湯同埋冬陰功湯底。我同朋友既然黎到船麵專門店，梗係要揀一個船河湯底；但係我哋又係鍾意食辣嘅人，所以都想試埋冬陰功湯底。
.
黑豚肉船麵有幾塊黑豚之外，仲有白蘿蔔、魚蛋、炸豬皮等等嘅配料。
選擇左泰式河粉，河粉唔算好索水，所以即使湯底有少少鹹，食落都唔會好咸；黑豚肉索曬船河嘅味，其他配料亦都好入味，份量十足！一個女仔食完就差唔多夠飽。湯底有少少花生醬嘅鹹鹹哋。.
另一個揀咗雞髀肉冬陰功湯底。
金邊粉相對河粉更加索水，辣得嚟帶有椰汁味嘅冬陰功湯畀金邊粉吸曬，喺食完曬啲粉嘅時候，湯底其實所淨無幾。辣得嚟夠曬惹味，食完唔算好頸渴；雞髀肉之外仲有菇，秋葵，海鮮等等。.
另外嗌咗三個小食，分別係青木瓜沙律、炸芝士雲吞同埋烚生菜配秘製腐乳醬。
青木瓜沙律確實有啲辣，木瓜絲相當爽口。
炸芝士雲吞同錦滷雲吞有少少似，但係裏面夾住嘅係芝士，炸過之後更香口。生菜清爽，重點係個秘製腐乳醬相信加咗砂糖落去，令到腐乳醬唔會過鹹。
船嘅市場競爭都幾劇烈，如何吸納到啲客人食第一次，之後再食第二次，除咗食材方面要運用得好，真係好食，相信設計菜式都要特別。喺呢間餐廳你可以好奢侈咁品嚐龍蝦，亦都可以好平民咁食到牛肉湯河，各取所需。欣賞佢地服務態度，而且上菜速度相當快，可能快過譚仔，屬於尖沙咀區嘅經濟抵食之選。
張貼
