羅麥記 (青衣城1) (已結業)

行完街有啲肚餓，經過呢間裝潢懷舊氣息嘅餐廳，入去睇到餐單覺得有啲昂貴，但一次半次試下先。好多種類提供，見隔離枱小朋友食緊呢個，就決定試吓，呢個係「羅麥汁牛河」，等咗一段時間先上餐，如果真係太肚餓就可能要食快餐。因為上菜速度比較慢🤷‍♀️醬汁有啲特別，味道好似甜版嘅瑞士汁。牛肉嫩滑，冇乜雪味，食完牛河覺得唔夠飽，叫咗蜂蜜雞翼。外皮脆脆地，但係有啲乾，蜂蜜味就唔係太夠，少醬汁。有啲失望，雞翼一啲汁都冇。