羅麥記 (青衣城1) (已結業)

今晚同家人一齊食飯，羅麥記的食物大部分都是香港地道菜上添加上一些新式的創意，既符合上一代的口味，又同時不會令年輕人擁有「時代感」，十分適合一家大細去食飯。我地叫左兩樣主食，亁炒牛河同白飯魚炒飯。乾炒牛河夠鑊氣，做到大排擋既感覺。但係個炒飯個人認為差少少，食落無咩味，同埋炒得太乾，d飯有少少硬。呢個係蝦多士，正常係有5舊，我影果時屋企人食左無影到，哈哈食落同我預期既不同，多士上面果舊蝦，我認為係好好食既，但係舊炸多士就太粉同太油，令到成個蝦多士食落既口感麻麻地。整體來說，呢間餐廳都係正常水準，最值得一讚既係佢既懷舊風既設計裝潢！