影片
更多
2024-01-29
47 瀏覽
放假帶咗Daddy媽咪嚟呢間懷舊西式餐廳鋸扒。餐廳裏面裝修懷舊，播嘅歌都好80年代情懷😆煙三文魚牛油果水牛芝士沙律$118煙三文魚份量好多， 肥美甘香，水牛芝士加埋牛油果都幾邪惡， 生菜沙律加埋黑醋汁，開胃清新。牛油果軟殼蟹飛魚子意大利粉$138炸軟殼蟹酥脆甘香，唔會吸滿油。意大利粉掛滿忌廉醬汁，再伴入軟綿綿嘅牛油果，口感creamy。辣蕃茄大蝦意大利粉$138有一隻連殼燒大蝦，仲有三隻已經剝殼嘅蝦球，份量都幾足。辣蕃茄醬酸辣酸辣，幾惹味而且夠多，撈勻全碟意粉都夠晒汁。熱熔芝士纽西蘭牛柳配薯菜 (10oz)$206鐵板牛扒熱辣辣啫啫聲已經夠晒吸引，店員仲要倒啲熱熔芝士倒去，睇到我哋流晒口水。牛柳我哋要咗5成熟，切開粉嫩粉嫩，食嘅沾上軟綿香滑嘅芝士，再加上我哋揀嘅蒜蓉燒汁，味道好好。吃扒雜扒配薯菜$196呢個雜扒份量好勁，我哋貪佢咩都有啲，有牛扒、魚柳、雞扒、豬扒、煙肉、司華力腸，啲扒疊到成座山咁樣，上面仲有隻煎蛋添。我最鍾意魚柳同埋雞扒，肉質嫩，牛扒就梗係冇之前嗰個牛柳咁好，但係都ok嘅，豬扒都唔會話乾柴。我哋兩個扒都加咗$25轉套餐，有麵包、餐湯、飲品同埋甜品，好抵食，個蘿宋湯仲幾好
煙三文魚牛油果水牛芝士沙律$118
煙三文魚份量好多， 肥美甘香，水牛芝士加埋牛油果都幾邪惡， 生菜沙律加埋黑醋汁，開胃清新。
牛油果軟殼蟹飛魚子意大利粉$138
炸軟殼蟹酥脆甘香，唔會吸滿油。意大利粉掛滿忌廉醬汁，再伴入軟綿綿嘅牛油果，口感creamy。
辣蕃茄大蝦意大利粉$138
有一隻連殼燒大蝦，仲有三隻已經剝殼嘅蝦球，份量都幾足。辣蕃茄醬酸辣酸辣，幾惹味而且夠多，撈勻全碟意粉都夠晒汁。
熱熔芝士纽西蘭牛柳配薯菜 (10oz)$206
鐵板牛扒熱辣辣啫啫聲已經夠晒吸引，店員仲要倒啲熱熔芝士倒去，睇到我哋流晒口水。牛柳我哋要咗5成熟，切開粉嫩粉嫩，食嘅沾上軟綿香滑嘅芝士，再加上我哋揀嘅蒜蓉燒汁，味道好好。
吃扒雜扒配薯菜$196
呢個雜扒份量好勁，我哋貪佢咩都有啲，有牛扒、魚柳、雞扒、豬扒、煙肉、司華力腸，啲扒疊到成座山咁樣，上面仲有隻煎蛋添。我最鍾意魚柳同埋雞扒，肉質嫩，牛扒就梗係冇之前嗰個牛柳咁好，但係都ok嘅，豬扒都唔會話乾柴。
我哋兩個扒都加咗$25轉套餐，有麵包、餐湯、飲品同埋甜品，好抵食，個蘿宋湯仲幾好飲添，落足料。
朱古力心太軟 $58
呢個心大軟做得好流心，一𠝹開朱古力湧出來，熱辣辣嘅Bownie朱古力味濃配上凍冰冰嘅雲呢拿雪糕，好好食。
張貼
