炳記茶餐廳 (已結業)

修打蘭街有兩間人情味小店，其中一間就係炳記。通常與朋友二人各點一碗粉面+奶茶，再share一份西多士。佢地既西多士真係好好味！新鮮炸好的多士充滿蛋香，再加上煉奶既清甜及牛油既咸香，香甜鬆脆。滿分的邪惡。每人食半份當作飯後甜品不太過份吧！奶茶都好出色，茶奶平衡。聽到鄰枱的食客都讚他們奶茶做得香濃，自己在家做不到。記得第一次入來時以為好細間，眼見得兩三張枱。原來再直入仲有一個舖位全是座位。但本人喜愛坐出面，對住水吧！聽著老世門與食客閒聊，談笑風生。