祥利冰室 (已結業)

早前知道有這間茶餐廳，看見內裏的裝修很懷舊，感覺又真係幾特別，所以早幾日便來試試。一入去就看到那古老的收銀機，真係難得一見；相信唔去博物館，都幾難看到第二部了。我們叫了一個特餐和一個下午茶餐。特餐包括有火腿湯麵配腸仔煎蛋和熱奶茶；下午茶餐包括有西多士和熱奶茶。火腿湯麵配腸仔煎蛋- 火腿腸仔煎蛋，沒有什麼特別，味道都唔錯；但麵用上伊麵底，現在已很少地方用這種麵了，感覺又真係幾好feel。熱奶茶- 奶味比較重，茶味唔夠濃，比較上一般。西多士- 好像唔多新鮮，好韌；都唔知係唔係返炸的，食了兩舊便放棄了。因我們唔食牛，所以沒有叫那出名的牛展治，真係可惜。