76
30
3
電話號碼
2570 6655
營業時間
星期一至日
06:30 - 18:30
付款方式
現金
招牌菜
三文治 火腿通粉 多士
食評 (115)
等級4 2010-09-20
349 瀏覽
6月19日, 早兩日聽到媽媽話屋企附近間祥利冰室門口堆滿人 , 聽聞係就黎結業云云… 回想呢間冰室, 雖然光顧次數唔多, 但都總算係由細到大成日都會經過嘅一間特式老冰室! 明知人多, 但都要同呀比去襯一襯, 懷勉一下…::: 鹵水牛展餐包 ::: $10雖然呢度出名嘅係牛展三文治, 不過以前都食過幾次, 牛展雖然滷得入味, 但經常都係凍冰冰嘅… 同埋咬落偏硬同軟綿綿嘅白麵包唔太夾. 今次試下牛展包, 個包硬番d, 味道微甜, 夾著牛展食感覺反而更好~ 不過其實除咗用牛展夾包比較特別之外, 其實又唔係話真係好好味…::: 紅豆冰 ::: $15去冰室點都要叫番杯冰! 呢度嘅紅豆冰都算係幾對辦~ 淡奶同紅豆成七三比例, 奶味重而甜度適中. d紅豆都煲得夠淋, 有少少起沙~ 係傳統冰室水準!::: 特餐 + 凍檸茶 ::: $24 + $2要咗沙牛麵加火腿炒蛋, 為咗慳碟又慳位, 乾脆將所有野放晒喺個公仔麵上面. 食落有d lei hea… 各樣都可以接受, 畢竟最後一個月營業, d上菜都幾亂….最差就係杯凍檸茶, 食晒個麵3吹4請先黎, 完全冇mood飲…平日嘅祥利真係任你揀位坐~ 今日就成間舖都塞滿人, 好多人都帶晒一家大細黎影相留念… 加上可能冇人做清潔, 個地下好污糟, 一路餵飽我之餘我隻腳就一路餵蚊… 雖然老實講我覺得祥利唔係特別好食, 但見一間又一間老冰室慢慢消失, 心裡都覺得有d唏噓… 我地嘅下一代如果仲想感受下呢d老香港嘅情懷, 可能就只有去d摩登懷舊茶餐廳先得… 繼續閱讀
(以上食評乃用戶個人意見 , 並不代表OpenRice之觀點。)
等級4 2010-07-17
163 瀏覽
祥利冰室,一間我早已想光顧的舊式冰室傳出結業的消息,才急急到訪一次直至撰寫本文時,祥利已經結業半個多月了……一副六七十年代的裝潢,看似幾簡陋破舊的陳設,對一般人而言,除了懷舊二字,這冰室實不太吸引現代人又怎樣不會選擇坐得舒舒服服的餐室,而選擇這些上個世紀的冰室呢?但對我來說,單是「懷舊」已經值回票價了,而且這更是不少電影取景之地呢懷舊,是其陳設---老爺的收銀機、傳統的閣樓樓梯設計、歷次可樂罐可樂樽的擺設、以至需要每天撕去的日曆,均充滿六七十年代的氣色懷舊,是其食物---很少餐室還會提供樽裝可樂,菜蜜這種只能在舊式餐室才能找到的飲品…… 尤其是那份量十足的公司三文治,火煺、蛋、午餐肉、酸瓜,大大份,抵食,只是這種舊式冰室才找到這種落足本的份量論食物的質素,反而未能令我留下太深刻的印象以公司三文治計,份量雖十足,但味道卻未見突出… 畢竟只是公司三文治,又如何可以變得突出呢?再論雪菜肉絲公仔麵配香腸、煎蛋,味道也是普普通通今次是第一次光顧,也是最後一次光顧我所吃的,不是她出品的質素,而是感受她的懷舊與氣氛看見她臨結業前食客的紛紛慕名光顧,連電視台也派員採訪大做專題報導莫非香港人真的要面臨失去,才懂珍惜? 繼續閱讀
(以上食評乃用戶個人意見 , 並不代表OpenRice之觀點。)
等級4 2010-07-12
44 瀏覽
五月中旬.晴執筆之時,這裡已經結業了。不想迫人,不喜歡排隊,更不愛淒熱鬧。不過是日在附近吃了奶油豬做早餐,行經這裡,人客不多,不如就吃多個多士早餐。這裡也是如常的忙碌,眼看還有不少如我這些,趁結業前來一吃的人。坐了在樓上的卡位,看著樓下人來人往,別有一番景致。要了咖吔多士,多士不厚,烘得脆。咖吔只是罐頭貨,甜甜的。咖啡當然的有水準,始終是開了這麼多年的街坊茶記,不會做得差的。就看那個厚身杯子,表面已差不多全磨掉了的紋理,都知道有幾耐的歷史了。放下16元,結賬離開,是最後一次光顧這裡了。雖然我覺得這裡的出品,不算是很出色及有特色,但作為舊式茶記,其實也有保留的價值。只可惜在地產業當道的香港,是幾難容得下這些飲食遺產的了。再見。 繼續閱讀
(以上食評乃用戶個人意見 , 並不代表OpenRice之觀點。)
等級4 2010-07-06
31 瀏覽
是日是星期五, 有幸可以蛇一蛇tea一tea, 因為知道將成歷史, 大老遠都去左祥利時間為下午四點, 沒想到依然人頭湧湧, 其實之前曾經不知多少次路過, 但一直過門不入, 現在卻特地老遠都黎, 還是那句老生常談, 人是要到失去方知好, 失去才懂珍惜, 又一鐵証先叫了一杯熱奶茶作個熱身, 舊式茶餐廳奶茶一向是信心保證, 這裡也不例外, 奶茶香滑, 在這環境下邊喝邊休息, 真是賞心樂事, 香港人就是這樣, 不能有一刻停下來, 可惜是奶茶不太夠熱, 到野食黎到已經只是微暖 因為中午那午餐還未落格, 先叫了一客鮮油多士來測試下胃部戰鬥力, 可能因為人太多, 鮮油多也比我想像中黎得耐, 多士很脆, 牛油更加一點不吝嗇, 多士熱力熔化了那鮮油, 是奶茶在下午茶時的好戰友胃部戰鬥力仍在, 想起有今生無來世, 好野不如一食再食, 再叫了一個鹵水牛展蛋多士, 在等既時候正好影一影環境多士來到, 用鹵水牛展做多士我都是第一次試, 牛展很乾身, 應該是不想鹵水汁整濕多士而不脆, 可是這樣牛展不夠鹵水味, 正是兩難, 還好炒蛋好滑搭夠, 整體是有點失望, 不過還不算差食完俾完錢, 問下可唔可以上樓上影相, 因為一個人唔可方便, 收銀姐姐一句『當然無問題』盡顯人情味, 也道盡依依不捨之情樓上冰室不知多少年無遇到過, 還有那天花板大風扇, 地下的階磚, 工作了半個世界的收銀機, 老闆儲了不知多少年的可樂珍藏, 每一樣都已成香港人的集體回憶寫這食評不為甚麼, 冰室已關, 飯友都無法參考, 此舉純是為這奮鬥了超過半個世紀既冰室作出最後致敬, 也來跳這最後深戈 繼續閱讀
(以上食評乃用戶個人意見 , 並不代表OpenRice之觀點。)
等級4 2010-07-05
23 瀏覽
知道此店快張結業,於是放工後急急忙忙趕來湊熱鬧,買它最出名的食物來吃。卥水牛展治烘底($13):鹵水味適中,不會太鹹,牛展味道ok,但有一兩塊不是太焾。我期望是吃下去會好味到「嘩」一聲,但吃罷,覺得未至於好到「嘩」一聲。但整體味道是不錯的。紅豆冰($15):這個真是令我「嘩」一聲,因為實在太好味!紅豆很焾,甚至有點起沙。紅豆、奶和冰的份量配合得剛剛好,豆味、甜味和奶味十分平衡。好正!可惜,此店結業,再喝不到它的美味的紅豆冰。第一次、也是最後一次光顧...... 繼續閱讀
(以上食評乃用戶個人意見 , 並不代表OpenRice之觀點。)