海安咖啡室 (已結業)

好耐未試過同女朋友去茶餐廳食早餐,嘆奶茶, 於是就係過大海之前,選左呢間茶記試下.茶餐廳位置其實係信德對面.甫進去, 就發現茶餐廳裡面好有六/七十年代既感覺!先叫左兩個公仔麵餐, 一個鴨胸, 另一個係叉燒. 個叉燒新鮮出爐, 配埋個source好入味…鴨胸既味道就一般啦.之後仲叫左一個香蔥蛋牛厚多士…真心好味道…個蛋牛好滑, 加上大量香蔥, 味道有別於平時食既厚多士!最後跟餐送左兩杯飲料, 我本身好喜歡飲港式奶茶, 細細個跟阿媽阿爸落大排擋食早餐, 飲呢杯奶茶有小小expectation, 就覺得奶茶D奶落得多左,可以有多D茶味.