影片
更多
2018-09-19
114 瀏覽
熱屎辣辣，但係打邊爐係冇分季節架，愈熱愈要打🤭 今次同朋友嗌左個安格斯海鮮火鍋任食套餐，入面仲包埋花膠雞煲，好鬼正😆Order完，就會有人俾醬料盤，辣椒🌶️，炸蒜，蔥，仼你加，只怕你唔加😏 可能係驚等雞煲等到餓，會有港式小食 - 燒賣魚蛋，醫下肚，幾貼心！雞煲嗌左bb辣，上枱會有timer係到計時，唔怕overcook⌛️ 雞肉鮮嫩，唔鞋口，大約有半隻雞既份量; 重點花膠好厚身，夠肥美，如果多1,2塊就正🙈 入面仲有豆卜，豬皮，完全係索哂d汁，好惹味😋 不過打邊爐最緊要係d咩？就緊係湯底啦🍲貪心d嗌左個鴛鴦湯底，分別係藥僐同冬瓜湯，一清一濃，藥僐湯底堅有藥材味但係就唔會過苦，邊爐前可以飲番碗，補補身; 相反冬瓜湯底清清甜甜，用黎清清口腔最好不過。-海鮮拼盤包左蠔，蝦🦐，蜆，青口，魚🐟同魚滑。蠔係超肥美，就算煮熟左之後都係好大隻，啖啖肉，完全唔覺腥！雖然任食配料種類唔算多，但係勝在食材夠新鮮，係有誠意！牛肉🥩係靚牛，好有牛味，肥瘦得宜，唔會韌！黑毛豬食落微爽，肉質結實，唔會霉！比較特別既係爆漿魚丸同龍蝦沙拉丸。魚丸入面係豬肉餡，食既時候真係要小心，會噴汁🤣龍蝦沙拉丸食落有少少wasabis味
熱屎辣辣，但係打邊爐係冇分季節架，愈熱愈要打🤭 今次同朋友嗌左個安格斯海鮮火鍋任食套餐，入面仲包埋花膠雞煲，好鬼正😆
Order完，就會有人俾醬料盤，辣椒🌶️，炸蒜，蔥，仼你加，只怕你唔加😏 可能係驚等雞煲等到餓，會有港式小食 - 燒賣魚蛋，醫下肚，幾貼心！雞煲嗌左bb辣，上枱會有timer係到計時，唔怕overcook⌛️ 雞肉鮮嫩，唔鞋口，大約有半隻雞既份量; 重點花膠好厚身，夠肥美，如果多1,2塊就正🙈 入面仲有豆卜，豬皮，完全係索哂d汁，好惹味😋
不過打邊爐最緊要係d咩？就緊係湯底啦🍲貪心d嗌左個鴛鴦湯底，分別係藥僐同冬瓜湯，一清一濃，藥僐湯底堅有藥材味但係就唔會過苦，邊爐前可以飲番碗，補補身; 相反冬瓜湯底清清甜甜，用黎清清口腔最好不過。
-
海鮮拼盤包左蠔，蝦🦐，蜆，青口，魚🐟同魚滑。蠔係超肥美，就算煮熟左之後都係好大隻，啖啖肉，完全唔覺腥！雖然任食配料種類唔算多，但係勝在食材夠新鮮，係有誠意！牛肉🥩係靚牛，好有牛味，肥瘦得宜，唔會韌！黑毛豬食落微爽，肉質結實，唔會霉！比較特別既係爆漿魚丸同龍蝦沙拉丸。魚丸入面係豬肉餡，食既時候真係要小心，會噴汁🤣龍蝦沙拉丸食落有少少wasabis味，個人覺得幾好食！墨魚丸係必嗌，堅食到墨魚粒，而且好彈牙，大愛😍
提提大家，打完邊爐之後原來會有紅豆雜果涼粉冰送，食完即刻透心，降哂温，記得留肚食喇🙈值得一讚既係，店員會密密幫你換裝滿哂骨同殼既碟，服務唔錯呀👍🏻
-
好味指數:7/10
性價比:7.5/10
推薦度:7.5/10
張貼
