蝦麵店 (荃新天地) (已結業)

昨日同朋友嚟咗呢間在荃新天地嘅蝦面店，呢間店在香港已經有十幾廿年歷史，而家開到荃灣都有分店，以後想食馬來西亞食品又多個選擇了。見到餐牌有個"檳城路邊攤一人套餐", 可以揀選一碗麵，再加兩款食品同埋一杯飲品，幾豐富，價錢都好相宜，我哋於是都叫一人套餐。我點咗辣味蝦湯底嘅蝦肉四寶麵，要了油麵，呢碗麵雖然望落好似好辣，但其實唔係好辣，個湯底有好濃蝦鮮甜味，配埋油麵，份量不多不少啱啱好，我差不多成碗湯飲晒。我個 friend唔食辣的，佢點咗豬骨雞湯底嘅冬菇雞絲麵配檬粉，佢話個豬骨雞湯好正，但略嫌雞絲唔夠多喎。我哋另外要了白胡椒肉骨油條 (另加15蚊), 香炸雞翼，沙嗲雞脾肉串同馬拉盞通菜，全部都係地道馬拉食品。飲品係可口可樂同凍美祿，懷舊又好飲。我哋兩個都覺得兩碗麵嘅湯底好正，值得encore 。