銀之冰室 (已結業)

係旺角上海街有座好靚既活化唐樓，入面有唔同餐廳、小店同打卡位，啱晒文青去行😚頂樓既阿銀冰室有懷舊文具主題，我地張枱有sailor moon既公仔同印仔，好想拎返屋企啊🤩我地嗌左好出名既蛋白芝士三文治，芝士唔會食到好滯，下午茶份量啱啱好，仲嗌左鹽酥雞加薯條，雞好有咬感又唔會太鹹，薯條就夠熱同鬆脆。本身想嗌炸雞翼但已經無晒啦。飲茶就揀左綠茶牛乳紅豆冰，紅豆係好大粒既，綠茶味都好足，仲有薄荷檸檬梳打，好多好多薄荷😂但配炸嘢食就啱啱好，走個陣員工仲叫我地揀份禮物走添，不過我哋就無拎到既。員工態度好好，冰室好chill，係可以放鬆心情既地方！