銀之冰室 (已結業)

📍銀之冰室呢間位於618號上海街文創空間嘅懷舊冰室，裝潢設計以港式復古風格📺及貓貓🐈為主題，真係既傳統又可愛💗而且冰室有好多懷舊珍藏，例如文具及玩具等作裝飾，簡直係香港人嘅回憶之地呀🧮🧸🐷家鄉煎肉餅 $91肉餅雖然望落煎得好靚，但食落唔算香口，反而味道鹹咗少少🥲不過因為入面有馬蹄粒，所以勝在夠爽口，口感十足👍🏻至於香料方面亦加上少量芫莤，但芫莤香味一d都唔濃，咁樣媽咪先食得落😅(我哋成家都唔係芫莤控)🥚温泉蛋卡邦尼意粉 $94第一時間梗係整穿隻温泉蛋，d蛋汁即刻流晒出嚟，個畫面真係勁治癒呀😍而每條意粉都掛滿晒卡邦尼醬及蛋汁，口感非常creamy～另外亦有煙肉、洋蔥、三色椒及蘑菇作配料，不但為菜式添上鮮豔色彩，仲令味道更豐富，唔會太單調乏味😋🌈不過個人認為由於配料太多，所以蓋過咗卡邦尼醬嘅蛋香，變得好重椒味🥺🐟煙三文魚忌廉汁意粉 $104忌廉汁味道香濃，口感滑而不膩，簡單嘅調味就已經好好食😚煙三文魚都幾大塊，入口散發陣陣鹹香，同忌廉汁真係超夾🫶🏻而配料方面同樣有三色椒、洋蔥同蘑菇，可解去膩感，食落更清新😆🍟芝士焗肉醬薯條 $50呢個每次去都必點❣️肉醬帶有酸酸甜甜嘅蕃茄味，唔同平時嗰d茄醬

今日午膳一點落單，全枱齊晒野，心諗應該又漏單。問左侍應係咪漏單，話係，甘叫佢快啲跟。但見周圍遲黎啲客都不斷上緊菜，點知繼續冇野上。等左半個鐘，問左兩個侍應3次，分別叫我等5分鐘、1分鐘，但仍然冇野上。但其他遲黎既客同我一樣叫乾炒牛河都上緊，再催，成1點40分先上（仲要冇走芽菜，落單時講得好清楚，張單都有寫）。上時我問個自稱女經理既人，佢話冇辦法我地得一個炒鑊，我同佢講依家你漏單我提左你地大大話話4次，啲侍應應完5分鐘、1分鐘後有，但遲遲都冇。其他枱既客都上晒，我都未有，而且仲要冇走芽菜，係咩服務態度。呢個女經理就話甘我free個餐俾你，我話我依家唔係冇錢俾，係唔滿意你既服務態度。明明落錯單又唔追番俾客，全枱fds連叫燒春雞嗰個都食完我都仲未有餐，連句唔好意思、對唔住都冇，呢啲係咩服務、仲好意思收我10%服務費，簡直不知所謂。我同個女經理講要求老細親自同我講，但老細唔喺度，話佢夜晚先喺度！於是我夜晚7點多啲打去，又係個女經理聽，問我邊個搵老細，我話係啲客，於是話老細日日都唔喺度，唔想俾老細知佢甘樣serve客😡希望老細你睇倒呢篇貼文知道自己請左啲咩人幫你倒米！！！

今次係第二次嚟依間冰室，但今次就遇到一個問題，就係叫乜冇乜。之前試過佢哋嘅肉絲炒麵係好食，但今次係冇肉絲炒麵，咁又試吓叫瑞士汁炒河，點知又係冇。最後就點咗沙嗲牛肉撈一丁同埋星洲炒米。1）沙嗲牛肉撈一丁沙嗲味道都幾濃，牛肉好多，麵嘅質地感覺就唔多似一丁，但overall都OK2）星洲炒米其實佢哋炒粉麵，真係OK嘅，配料十足相信大家呢間餐廳食嘢未必係主要原因，因為呢間餐廳有好多老玩具同文具，有啲係齋display，有啲就係賣嘅。而且地點位於上海街618號，成幢樓都係主打保育為主題，得閒嚟吓都OK嘅。

Silver Cafe is a really interesting cafe located in Mong Kok. It changes it's retro themes on a regular basis so every time I walk by, it's a totally different. But inside there is always still this drawing of a cat. I've never eaten here so boyfriend and I decided to go in for dinner.When we were there, the current theme was the walkman. All sorts of walkmans from the past along with tapes could be found on the walled display cases.The tables also had displays of old walkmans.Menu is in Chinese

鍾意懷舊風嘅你唔好錯過呢間餐廳喇☺️銀之冰室係以懷舊文具✏️🧮做主題，餐廳充滿懷舊感覺，收藏咗唔少以前嘅寶物📦，簡直話喺一間博物館都唔會誇張😍食物選擇方面都幾多樣化，見到佢地都加咗唔少fusion既菜式，比起傳統冰室又有唔同嘅感覺喇😎👅|煙三文魚忌廉汁意粉$86煙三文魚忌廉汁意粉幾好食，忌廉汁調配得好夠味，又濃又香口👍🏻意粉都處理得唔錯，好彈牙😚有煙三文魚分量足夠亦好夠鹹香！配菜嘅洋蔥都好新鮮，爽口亦唔會太生☺️仲有唔少蘑菇，意粉味道更加鮮味❤️|黃金蟹肉炒飯$85黃金蟹肉炒飯相對一般，蟹肉係蟹柳，明白呢個價錢唔會比真既蟹肉，但係蟹柳唔知點解有少少影響咗個味道🥹黃金本身以為會有少少蛋黃既鹹香，但係原來只係炒蛋嘅意思，炒飯質素正常，不過不失。| XO醬豬扒炒烏冬$68 (午餐)最後試咗個XO醬豬扒炒烏冬，呢個可以一試！出乎意料有鑊氣，XO醬都幾足夠有辣口同惹味嘅口感！配菜亦都好豐富☺️雜菜、洋蔥、芽菜令到成個味道昇華唔少🤩豬扒入味肉質亦都好腍軟👍🏻❤️總括而言，環境真係好特別好有feel，好適合過嚟打個卡食個下午茶👍🏻質素同價錢都叫做成正比，感受返一下以前嘅感覺😙😙🕰️

上海街618號改建後經已是旺角上海街的一個小地標，除了底層的各種文化商店外。頂幾層都有唔同特色的餐廳，今次介紹就係位於3樓的✨「銀之冰室」✨上到3樓好易搵到「銀之冰室」，只要見到大量懷舊收藏品既裝修就是了。特別係收銀機對面舖位還原了60s, 70s年代的文具舖的裝修，我覺得直頭係博物館級別。👍🏽👍🏽👍🏽餐牌都是一些港式冰室搵到既味道，而今次我就叫咗午餐「焗椰汁葡國雞球飯」另外跟餐半價加了杯「菠蘿冰」，兩樣都係我自己細個成日去冰室食既食物。先講「菠蘿冰」菠蘿冰上面配上一串新鮮菠蘿，呢個非常加分，菠蘿粒非常新鮮、香甜。好好味！🤤另外✨「焗椰汁葡國雞球飯」✨味道同我細個食既時候味道、賣相都有9成近還原，美中不足可能因為午市既關係，食得出個飯係先有炒飯底再倒汁同雞球再焗，而唔係成個飯焗。因為焗既時間唔夠令到葡汁未完全入味。但味道是OK的，食情懷都食飽！😎🤘🏽

食物：9/10👍🏻環境：9.5/10👍🏻👍🏻價錢：7.5/10💰💎總評分：9/10👍🏻今日黎上海街呢邊做野，諗住食個快lunch，見到餐廳唔多人就入去食，點知十分有驚喜。先講講環境，成間餐廳裝修好有風格，有好多懷舊文物展示，每一個細節位都非常用心，而且餐廳一掃冰室嘈雜風格，環境十分整潔寧靜，坐係到用餐相當舒服寫意，好少見冰室裝修得咁靚，不負上海街616之名，呢點我大加分👍🏻👍🏻👍🏻跟住講下食物同價錢，我叫左紅酒汁牛脷意粉（$68），我女朋友食得少野，直接加配小食：紅菜頭沙律+法式焦糖燉蛋（每份$15），另外咁岩女朋友唔舒服，叫左杯香茅青檸薏米水~紅酒汁牛脷意粉：意粉無特別，但紅酒汁好夠酒味，牛脷有筋，唔會太油，口感彈牙，合格🤤紅菜頭沙律：好爽甜，酸酸甜甜，係好食既蔬菜沙律，平時唔太食菜既我試左一啖，都會想繼續食😂女朋友超鍾意食，減肥／細食系女仔食應該岩晒🤨女仔係食得飽肚，重點跟餐加先$15法式焦糖燉蛋：三個字，焦、香、甜！🤤🤤香茅青檸薏米水：香茅+青檸好有味，唔會淡茂茂，又會太甜，岩岩好捧住個肚走，十分滿足🥰另外對面仲有個文具銀行，都係銀之冰室開既，食完可以遊覽下，有好多懷舊文具玩具，

同女朋友嚟上海街618逛街，諗住睇下懷舊嘢，順便兜起美華氏睇執唔執到靚衫😆咁啱行到肚餓見到有間冰室，見唔使等位就入咗去食。食完幾喜出望外，連少食冰室嘅老婆都讚不絕口，價錢中等但質素極高，呢一餐我哋叫咗個大阪燒+印尼炒飯+紅豆冰+菠蘿冰。日式大阪燒炒烏冬（$75），好日式，出面好少冰室有得食，呢碟係老婆想叫。炒得幾有鑊氣，沙律醬甜甜地，有木魚碎，食落係幾有真大阪燒嘅風味，正🇯🇵👍🏻👍🏻香噴噴印尼炒飯（$75），十分足料，一個炒飯外加太陽蛋同串燒，份量之多啱晒我呢啲馬甩佬食🤤🤤太陽蛋係流心☀️啲飯炒得粒粒分明，食落有浸好特別嘅香料味，應該就係印尼香料，唔似出面咁單純咖喱炒飯👍🏻👍🏻唯一缺點就稍微偏重味，最好嗌多杯嘢飲。十勝金時紅豆冰（跟餐半價$19），食冰室一定叫返杯紅豆冰！女朋友話十勝紅豆係靚嘢，我唔識😂😂飲落紅豆味同椰奶味相當足🤪！飲到底發現原來有兩種紅豆添，真係有料到！另外老婆追加咗杯菠蘿冰，fresh啲，都好好飲👍🏻環境冇影到相，但幾整潔舒服，老細係貓奴，裡面勁多貓貓相😹整體評價，食物+價錢+環境，我俾9/10，老婆8/10！見到佢啲下午茶同甜品仲吸引，下次經過再嚟幫襯🤤🤤

平時都係去開樓上cafe多，有朋友介紹我黎銀之冰室，咁岩星期六日黎旺角就食個下午茶☕首先一入到去已經顛覆左我對冰室既形象，以懷舊同貓貓為主題，環境十分有風格同整潔單單係裝潢已經值得黎打卡，好少見冰室裝修得咁靚環境唔會太嘈，靜靜地係到嘆個下午茶其實好舒服我自己就叫左招牌下午茶——蝦多士🦐🦐🦐，見到好多人介紹，就即管試下佢另外叫左杯紅豆冰，窗邊呢個位打卡真係一流，出面就係公園，foodie必揀位置👍🏻👍🏻食後感：幾特別，多士外脆內軟，唔會太實第一次食蝦+多士，比想像中夾，基本上一口一個，份量岩岩好，最適合我呢d小胃女子☺️價錢都唔貴，$56，出面大把cafe過百蚊都無佢咁好食，大部分都係賣環境，賣啅頭但無諗過一間冰室仔，環境同cafe有得fight，啲嘢食仲要好好食👍🏻👍🏻十分推介另外冰室對面仲有間文具銀行，裡面好多懷舊文具做展覽聽店員講佢地會將d文具捐比有需要既人，或者義賣比想要既人，得到收益會全數捐出可惜疫情關係無得入去睇😢😢就咁出面睇都覺得好有feel見到第二檯食緊個香蕉窩夫都好正，下次打算都fd一齊黎試，吹下水過個下午😋

如果想簡單和朋友聚腳，食物有點質素，又有空間環境傾到計，呢個係好選擇！好像茶餐廳，有炒粉麵飯，但羊扒、海南雞飯、烤雞都食到，飲品有特色……👍🏼還有時不時轉卡位個懷舊陳設、有不同學生文具，textbook & 玩具主題~~🏓🚎📚📐可以做member 儲分~🙂

🍴焗芝士蝦球伊麵 HKD75芝士汁雖然食落軟滑 但味道就偏淡唔夠濃郁🫠而蝦球都大隻同彈牙既🍤不過就真係連少少調味都冇 所以整體味道真係冇咩突出既地方🥶就係一個好清既伊麵🙈🍴全日早餐 HKD 88睇上去都好豐富 都係好基本嘅材料 比較特別嘅係個牛角窩夫🤣呢個餐嘅沙律菜偏少 所以食食下都真係有啲肥膩😣司華力腸 牛角窩夫同薯餅呢三個真係油到一個點🌚牛角窩夫冇想像中咁脆 食落去會較淋 同好油🙊薯餅炸到over左 咬落去食直頭變左薯片咁 又脆又硬🤯炒蛋同煙三文魚都係正正常常🧐 感覺可以換入一啲較新鮮嘅食材 減少同一個餐內太多油膩質感嘅食物會更好🙈🍴法式焦糖燉蛋/阿華田脆脆布甸 跟餐加配 HKD15法式焦糖燉蛋完全係中式燉蛋嘅味道 完全冇雲呢拿香 一啲都唔creamy😣基本上就係中式燉蛋上加了一層焦糖🥲阿華田布甸味好淡 甜味全靠布甸上嘅脆脆😣🍴恐龍美祿 跟餐加 HKD13就係美祿咁既味😂但唔知係咪叫左少冰既關係 上枱係一杯暖既凍飲 飲落就有少少奇怪😂🍴粒粒鮮菠蘿冰 跟餐加HKD19值得一讚嘅係真係好多菠蘿粒 粒粒都好香🥰加上梳打水 真係好清新好解渴🤩

路過上海街見到一座有歷史嘅建築物，俾佢吸引上咗去。2樓有一間懷舊文具店，睇咗一陣間就肚餓，對面就係呢間用貓公仔做招牌嘅餐廳，見到有位就馬上入座。恐龍美祿有少少偏甜，但可以接受👌🏼公司三文治麵包雖然係熱，可惜偏乾及硬。三文治內沒有其他汁醬添加，裏面有一細片生菜及蕃茄，加上火腿及午餐肉，由於唔係滑蛋，煎蛋有點過火亦係偏乾。再加上麵包只有好少好少牛油，所以整份三文治嘅組合，只有一個口感就係 - 乾 😞西多士裏面有花生醬餡，冇雞蛋香味，可能由於浸麵包嘅蛋漿唔夠。同三文治口感一樣，麵包本身嘅質地應該係好乾，浸完蛋漿炸咗之後，入口仍然覺得好硬。而且加上幼滑花生醬餡料，一啖入口，乾上加乾，最終要再叫多一罐可樂 😒阿華田布甸跟下午茶餐加$15。由於唔算太甜，可以放心俾小朋友食。

困得太耐，見疫情好返啲，就出去行吓～旺角太耐無行，所以再去返之前去過既銀之冰室。一間餐廳，滿足到胃口，亦滿足到眼睛同情感！餐廳會不定期擺出各位玩具，供大家尋找童年回憶☺️餐廳既環境、食物同服務都保持到好高嘅水準☺️整體性價比好高。🥢海南雞配油飯：海南雞份量好多，多到似食左4分1隻雞咁😆滑口，唔肥。油飯既雞油感恰到好處，唔過油。🍴法式焦糖燉蛋：哇，不得了！唔係度度食得到，所以我次次都會叫既甜品，焦糖味同蛋味都食得到，甜度亦都不太甜，完全可以為一餐劃上完美句號🥰

終於有機會來上海街618 ，本來係想上去懷舊文具店朝聖一下，發現咗銀之冰室，滿是懷舊氣息的一間冰室，超級多懷舊玩具的玻璃櫃，大家有何有興趣可以來朝聖一下。講返嘢食，今次試咗佢嘅海南雞飯同埋瑞士汁乾炒牛河，海南雞飯雞肉嫩滑，不過可能是雪藏雞的關係雞味就冇乜，不過配埋醬汁同油飯一齊食係可以的，瑞士汁乾炒牛河唔錯。一定要提下佢既飲品都幾多選擇。試左黑糖拿鐵咖啡同埋鮮紫蘇葉檸檬，menu列明係自家農場產品，所以加左分。係旺角搵間唔迫唔太噪既餐廳，推介呢度。

今日開始自製長假，所以去先食過開心lunch。第一次去呢一座大廈，喺樓下睇水牌睇下有咩食，見到呢間餐廳個名，即刻上去openrice睇下有咩推介。起初見到個餐牌覺得食個lunch要百幾蚊有啲貴，不過都諗住上去望咗先算。上到去覺得個環境幾靚，又闊落又舒服，一於就試下。坐低咗之後，職員攞個餐牌過嚟，主動介紹下今日個lunch有乜野食，同埋講下今日有乜嘢餐湯，態度好nice又有禮貌。最後我叫咗個all day breakfast。個餐上到嚟，擺盤好靚。今日個餐湯係打咗蓉嘅蘑菇忌廉湯，好好味。因為餐廳係落地玻璃，所以好光猛 環境清淨，慢慢咁嘆午餐，睇下小說聽下歌，感覺非常好。埋單嗰陣時發現，原來畀現金有5% discount，好開心，又賺左呀 ! 收銀嗰個應該係經理，非常之有禮貌咁問下我對今日個lunch有咩意見，值得一讚。下次有機會，我會再約埋啲friend一齊上嚟吹水!