紅雞冰廳

營業中

休息中

今日黎左紅雞冰廳食lunch，見到冰廳依個字已經覺得成件事好懷舊，果然呢度既裝修都好有以前80，90年代既舊式茶餐廳既感覺，幾特別！咁我今日就叫左自家製雙層芝士牛肉漢堡炸蝦配意粉，飲紅豆冰。牛肉漢堡好有牛味，仲要好厚，有兩塊，食左一塊已經好滿足，食得出係自己整既感覺，唔似平時既冷藏漢堡扒。炸蝦都好鬆脆，好食。意粉軟硬度適中，份量都好夠，一定食得飽，仲要好好味道tim！另外飲左杯紅豆冰，好多年無飲過啦，都唔係度度有得飲。呢杯紅豆冰都有好多紅豆，味道適中，唔會過甜。