影片
更多
2016-01-21
1024 瀏覽
今日過海做完嘢，半接大少放工，再去搵食，佢聽同事講有間餐廳唔錯，今日就帶我去食~其實我完全唔識路，只係跟佢行，我唔知原來SOGO附近有咁多嘢食XDXD 上到樓上覺得好特別，內部裝修同門口完全係兩回事，入到去會見到好西式，門口裝飾會比較中、港式門口除咗有舊式花牌，重有一隻好得意嘅大頭綠衣小熊，大頭綠衣係以前香港好初期警察嘅統稱，唔知老闆喺邊度買到呢隻嘢呢，真係好得意~~牆上重會有好多好舊式以前香港人嘅生活照片做牆紙，令人好似進入博物館門口一樣感覺今次我地叫咗個礦泉水火鍋，好得意，你平時打邊爐點會用礦泉水﹖多數都係水喉水或者湯呢個係老闆話來自地中海嘅海水，用嚟打邊爐，其實用海水打邊爐真係未試過，幾新奇~煲仔細細，店員大約用5份1煲海水，再加一支我地香港地道嘅Bonaqua飛雪礦泉水，係咪好得意呢，有冇人會用礦泉水水咁貴嚟打邊爐﹖除非你屋企一向都係“無飯家庭”，連水都唔煲，係叫礦泉水、蒸餾水送上門喇~ 礦泉水火鍋 - 本身個煲入面會有風乾火腿、黃芽白，個煲嚟到先會再落水，開煲個火鍋會有牛肋肉、豬肋條，牛肋肉好淋，豬肋條烚熟之後係好爽脆當然火鍋唔會少得海鮮喇，海鮮都好正，有花甲、海蝦、日本磯煮
其實我完全唔識路，只係跟佢行，我唔知原來SOGO附近有咁多嘢食XDXD
上到樓上覺得好特別，內部裝修同門口完全係兩回事，入到去會見到好西式，門口裝飾會比較中、港式門口除咗有舊式花牌，重有一隻好得意嘅大頭綠衣小熊，大頭綠衣係以前香港好初期警察嘅統稱，唔知老闆喺邊度買到呢隻嘢呢，真係好得意~~
牆上重會有好多好舊式以前香港人嘅生活照片做牆紙，令人好似進入博物館門口一樣感覺
今次我地叫咗個礦泉水火鍋，好得意，你平時打邊爐點會用礦泉水﹖多數都係水喉水或者湯
呢個係老闆話來自地中海嘅海水，用嚟打邊爐，其實用海水打邊爐真係未試過，幾新奇~
煲仔細細，店員大約用5份1煲海水，再加一支我地香港地道嘅Bonaqua飛雪礦泉水，係咪好得意呢，有冇人會用礦泉水水咁貴嚟打邊爐﹖除非你屋企一向都係“無飯家庭”，連水都唔煲，係叫礦泉水、蒸餾水送上門喇~
礦泉水火鍋 - 本身個煲入面會有風乾火腿、黃芽白，個煲嚟到先會再落水，開煲個火鍋會有牛肋肉、豬肋條，牛肋肉好淋，豬肋條烚熟之後係好爽脆
當然火鍋唔會少得海鮮喇，海鮮都好正，有花甲、海蝦、日本磯煮鮑魚、鱸魚、帶子以及日本年糕
海鹽，店員話如果烚完覺得唔係好夠鹹，可以落少少海鹽去增加味道，其實我就覺得好夠味，大少就自己搵嘢嚟玩，係都要落少少
張貼
