樓下冰室 (已結業)

星期三晚上, 咁難得早放工, 特登走入去荃灣陪一下女朋友。由於佢果日係路德圍附近買野, 所以我都打算係附近搵間decent 小小ge 餐廳。正當唔知食咩好ge 時候, 咁啱見到呢間餐廳，一行過就已經比門口餐牌印著的瑞士雞翼吸引住。不過7點幾的荃灣的而且確係好多人，都要等成10 分鐘先有位入。一坐低就見隔離枱點左瑞士雞翼，聞到Ｄ汁都覺得好香，我都唔執輸即刻叫返份。瑞士雞翼的汁好香好夠味，同一般餐廳差好遠。除左瑞士雞翼外，我地都叫左芝士海鮮餅，芝士ge份量好足，算係好味。主食方面，女朋友叫左一個蕃茄通粉，叫完先發覺原來可以加牛肉。試左２啖，蕃茄湯底幾濃，下次來可以再試。我自己就由於好肚餓，叫左個煎蛋肉醬飯。呢個飯唔係店舖主力推介，但我個人覺得肉醬少許偏甜，同我口味幾夾，份量亦都好大，啱晒我呢Ｄ大食ＧＥ人。　最後都叫左個芝士西蘭花，都唔錯，有芝士味飲品方面，我地好有默契咁叫左華田脆爆，係呢度ＧＥ特飲。華田面頭ＧＥ脆脆好有咬口，我就好鍾意飲。埋單＄１８６蚊，３個小食＋２個主食，ＣＰ值算非常高。下次行過可以再食！