文華咖啡冰廳 (已結業)

呢一日，愛麗絲同朋友去左文華冰廳食Brunch👧🏿💚👧🏽 餐廳既裝潢都好懷舊，收錢既亦都係一位伯伯，相信係經營多年既冰室。我地都叫左常餐，就好似以前中學時代，同成班Fd去學校對面既茶餐廳食Lunch咁😌 愛麗絲點左五香肉丁腸仔公仔麵，熱可立克。五香肉丁份量好足，味道好濃，但亦唔會太辣，撈落公仔麵到令人食得津津有味😋 公仔麵麵質就略為硬身，淋身多少少就仲正! 不過，湯底味精味太重，好鬼鹹而朋友👧🏿就點左沙爹牛肉煎蛋公仔麵，凍華田。煎蛋係偏熟，好似一個蛋餅咁，沒晒啲蛋汁!!沙爹牛肉都好入味，牛肉煮得相當淋身，配合少少辣既沙爹醬，平淡但好地道。不過文華冰廳特別既地方係，常餐可揀配菠蘿包或者方包多士。我地都揀左文華新鮮出爐既菠蘿包👍🏻 菠蘿包好甜，飽身亦好大，食得肚都漲漲地😋 不過皮就可以再脆身啲，不過焗到金黃色，唔會話焗到黑晒就好抵讚既 ～ 總括泥講係好食既，跟餐既話都推薦大家要菠蘿包啊😋