更多
2022-11-05
440 瀏覽
如果講起荃灣出名嘅茶餐廳，大家第一時間會諗起邊間? 連鎖式嘅光榮、新記，出名大份蛋奄列嘅家樂冰廳? 定係低調平凡嘅蘭香茶餐廳呢? 早前同朋友言談間提到蘭香茶餐廳，朋友話以前住荃灣成日會去食，話去到一定要叫粉麵食。我哋依日經過就走咗入去試吓啦！雖然當時過咗午餐時段，但出面都有人喺度排隊，不過排咗5分鐘左右就入得啦！.特餐 $42up(牛油多士、火腿奄列、餐肉通心粉、咖啡或茶)👨🏽🦱去到茶記最鍾意就係叫常餐試勻佢嘅基本款，依度嘅特餐就即係常餐。👨🏽🦱將佢嘅奄列轉咗做荷包蛋，然後撈埋落餐肉通心粉度一齊食，睇住荷包蛋🍳嘅蛋黃慢慢流出嚟，睇見都吸引。牛油多士🍞就加咗$1烘底，如果可以烘耐啲，脆啲就好啦。火腿份量就細咗啲 只得一小塊，其他就不過不失啦！.叉燒蛋麵 (包咖啡或茶) $41up荷包蛋都係同樣出色，夠晒火侯，煎得啱啱好。叉燒都係普通貨色，都有四塊左右。去懷舊茶記想試下伊麵底，原來要加$2，咁就有啲少貴，因為粉麵🍲整體成本都較平。另外要一提蘭香嘅熱奶茶☕️好滑，好飲。.同場有幾枱老人家應該係常客，叫埋啲孫仔一齊食飯，店員見到有位都會換張卡位俾佢地坐得舒服啲，又會同佢地閒聊幾句。唔只熟客，
.
特餐 $42up
(牛油多士、火腿奄列、餐肉通心粉、咖啡或茶)
👨🏽🦱去到茶記最鍾意就係叫常餐試勻佢嘅基本款，依度嘅特餐就即係常餐。👨🏽🦱將佢嘅奄列轉咗做荷包蛋，然後撈埋落餐肉通心粉度一齊食，睇住荷包蛋🍳嘅蛋黃慢慢流出嚟，睇見都吸引。牛油多士🍞就加咗$1烘底，如果可以烘耐啲，脆啲就好啦。火腿份量就細咗啲 只得一小塊，其他就不過不失啦！
.
叉燒蛋麵 (包咖啡或茶) $41up
荷包蛋都係同樣出色，夠晒火侯，煎得啱啱好。叉燒都係普通貨色，都有四塊左右。去懷舊茶記想試下伊麵底，原來要加$2，咁就有啲少貴，因為粉麵🍲整體成本都較平。另外要一提蘭香嘅熱奶茶☕️好滑，好飲。
.
同場有幾枱老人家應該係常客，叫埋啲孫仔一齊食飯，店員見到有位都會換張卡位俾佢地坐得舒服啲，又會同佢地閒聊幾句。唔只熟客，就算我地生面口，都有同樣待遇㗎。如果話蘭香好好食，好似澳牛咁性價比高，咁又唔算，但以地區懷舊茶餐廳嚟講，又真係幾出色，齋係個份人情味都好多茶餐廳比唔上啦。
張貼
