鼎王麻辣鍋 (The LOHAS) (已結業)

以前一年去幾次台灣，去親都會食麻辣火鍋！疫情關係成年冇去，實在太懷念，今日決定要去懷緬一下！一坐低店員就會送上熱辣辣嘅熱茶。鼎王只有兩個湯底～麻辣鍋同酸菜白肉鍋，梗係要食晒兩隻湯底啦！麻辣鍋我哋叫咗小辣，但我覺得有點太淡味，下次應該要點中辣，會比較刺激啲！鴨血係我嘅至愛，香港店嘅質素都不比台灣嘅差，我哋瘋狂encore鴨血！食麻辣鍋一定要配滷味！呢個滷大腸非常之香軟，一啲都唔韌，而且好入味，同麻辣鍋係絕配小卷魷魚一客有10隻，有鮮甜味。老油條亦係必點！佢比我哋平時食開嘅油條硬身，放落麻辣湯底吸晒啲湯汁，簡直係味覺嘅享受