影片
更多
2020-11-19
1265 瀏覽
依家乜嘢都講求方便，網上購物唔使自己特登去實體店就係一個最好嘅例子，連出街買嘢都懶🤣其實唔止網上購物，就連食嘢都係，越方便越好，隻手都唔使點郁就最好😂真係有唔使點郁就食到嘅嘢？喺度可以同你講句：真係有㗎！據線報觀塘駱駝漆大廈新開咗間自助串燒，唔係話淨係自己任拎，係擺喺爐上面自己識轉住燒😆事先未睇餐牌嘅唔緊要，門口有好詳盡嘅價錢牌，不過有樣嘢理所當然嘅係，星期五六日同埋公眾假期一定係貴啲嘅，咩都有得食啲其實係抵嘅👍🏼最欣賞呢度嘅係環境真係好寬敞！我同男朋友兩個人去，佢都有比卡位我哋☺️燒嗰陣亦都唔會話好大油煙，整體感覺好舒適。大部份串燒款式都可以喺出面自己拎，即係自助串燒嘅形式，蔬菜、肉類、丸類等等都幾齊全。不過因為疫症，出去拎嘢食嗰陣都記得戴返口罩😷除咗出面任拎嘅串燒之外，仲有張紙可以點炸物，款式嘅數量就OK啦，叫黎試吓無妨。第1 round食啲炸物先，叫咗炸雞翼、麥樂雞同埋蝦春卷，平時話就話炸嘢冇乜技巧可言，食落真係話好好食嘅其實都唔係好多間囉，佢哋麥樂雞同埋蝦春卷都炸得好香口好脆👍🏼第2 round就食啲前菜啦，拎咗咖喱魚蛋、豆卜、蜆肉等等，全部都好入味😋尤其係豆卜，佢本身落咗少少辣
事先未睇餐牌嘅唔緊要，門口有好詳盡嘅價錢牌，不過有樣嘢理所當然嘅係，星期五六日同埋公眾假期一定係貴啲嘅，咩都有得食啲其實係抵嘅👍🏼
最欣賞呢度嘅係環境真係好寬敞！我同男朋友兩個人去，佢都有比卡位我哋☺️燒嗰陣亦都唔會話好大油煙，整體感覺好舒適。
大部份串燒款式都可以喺出面自己拎，即係自助串燒嘅形式，蔬菜、肉類、丸類等等都幾齊全。不過因為疫症，出去拎嘢食嗰陣都記得戴返口罩😷
除咗出面任拎嘅串燒之外，仲有張紙可以點炸物，款式嘅數量就OK啦，叫黎試吓無妨。
第1 round食啲炸物先，叫咗炸雞翼、麥樂雞同埋蝦春卷，平時話就話炸嘢冇乜技巧可言，食落真係話好好食嘅其實都唔係好多間囉，佢哋麥樂雞同埋蝦春卷都炸得好香口好脆👍🏼
第2 round就食啲前菜啦，拎咗咖喱魚蛋、豆卜、蜆肉等等，全部都好入味😋尤其係豆卜，佢本身落咗少少辣椒，食落更惹味。
有樣嘢真係不得不讚，燒串燒之前原來有3種醬汁一早已經會預備好比客人，分別系沙嗲醬、鰻魚汁同埋泰式辣醬。沙嗲醬有好重嘅花生味，鰻魚汁好甜，泰式辣醬夠晒惹味。
嚟得自助串燒店就梗係每樣都試啲，但由於自己同男朋友都偏食，完全冇拎過蔬菜😅🙊拎親嘅都係丸類同埋肉類。前後拎咗幾樣，唔算特別多，拎咗牛丸、墨丸、芝心丸、雞肉、豬頸肉、腸仔、午餐肉。
店員貼心咁幫我哋開爐，溫度係80度，並提示我哋80度其實已經足夠，即係意思係唔需要再加大溫度。總括嚟講啲嘢食其實都算快熟，重點想推介啲丸類，即牛丸、芝心丸等等，好爽口彈牙，沾上蜜糖口感更豐富~豬頸肉沾上泰式辣醬好惹味好match👍🏼幾乎未試過燒午餐肉，食落都ok。
P.s. 店員嘅服務都好好！態度好友善，會好細心咁介紹醬汁、菜式等等。
張貼
