35座車仔麵 (已結業)

本身諗住試下得寶入面另一間黃店，點知未開門，心諗點算，唯有再search下，發現呢間黃小店。大碗麵 (6餸1麵) $48，對於乜都想試既我真係好吸引！油麵底 (清湯) - 落單時唔記得叫混醬試下，但可能太多餸，都夠晒味。懷舊牛腩 - 炆得都ok淋，切到細細件，易入口。五香牛肚 - 爽口！韮菜餃 - 好味，但得一粒太少。炸魚片頭 (2舊)、芥末沙律球 (2粒)、灸燒芝心包 (2粒) - 不過不失，無乜特別。走時門口已經有人龍，好彩早一步咋！