鮨政x大湖

營業中

休息中

最近喺社交平台見到d 人話呢間餐廳好抵食，去左試咗佢$398 嘅set，份量對女仔嚟講啱啱好。前菜係水雲，微酸嘅味道配上鮮甜爽口嘅小貝柱，口感幾清爽。油甘魚刺身油脂豐富，加上清新的橙醬帶黎微酸嘅果香，再配上wasabi增添一絲辛辣感。壽司部份，伊佐木魚肉細緻，入口時可以感受到魚脂嘅細膩同醋飯嘅酸度形成平衡。鱸魚通常係中菜先會見到，但係餐廳今次揀左佢做其中一款壽司，鱸魚肉質爽口，味道口感都比較輕盈。吞拿魚赤身味道幾濃郁，鵝肝刨成絲後覆蓋在魚肉上入口即溶。三文魚西京燒的醬汁滲透魚肉，外層燒至微焦，內裡仍然保持嫩滑，入口時可以清楚感受到魚脂嘅細膩同醬汁嘅微甜。整體嚟講呢一間Omakese真係好平，當然食材冇平時嗰啲咁好，但係喺銅鑼灣諗唔到食邊間壽司嘅時候，不妨去試一試。