焱丸水產 (已結業)

今日去左銅鑼灣焱丸水產，呢到除左有磯燒，仲有刺身同熟食，選擇多，應有盡有。刺身3盛 $160，有三文魚、油甘魚、干貝，甜蝦刺身$68，值得一提三文魚雖然唔係魚腩位，但厚肉魚油香味好重，而赤貝$68，爽口鮮甜好好食。三文魚富士山$78，賣相不俗，可以呃like。磯燒類選松葉蟹膏帆立殻燒同三文魚籽帆立殻燒，各$80，比較中意食松葉蟹膏味，味道較濃，相反另一款，燒熟左既三文魚子口感有Ｄ奇怪。白蛤磯燒$45，加左燒酒燒，鮮甜味出晒黎，燒完後唔會好乾。磯燒全部都由店員幫手燒，燒得岩岩好又唔會太熟，服務幾好。熟食方面，轟炸雞$58，係即炸，香脆肉滑多肉汁又juicy。