16 Shell (已結業)

好耐之前已經聽過謝霆鋒係有份開呢間餐廳嘅其中一個人今晚我哋就決定咗喺呢度慶祝一個朋友嘅生日。黑炭黑蒜蓉包。有少少嘅蒜味，真係成個黑色啱晒呢間餐廳走型格嘅路線出邊都比較少件黑色嘅麵包。。鮮羅勒配意大利黑醋水牛芝士，超鍾意食水牛芝士嘅我當然一定會叫呢樣嘢食啦。水牛芝士味道超濃，所以配埋新鮮嘅蕃茄啱啱好。白酒橄欖油煮蜆， 白酒啲味道一上枱已經令我地哇哇聲，蜆肉嘅份量都幾多 ，總會有啲碎碎地嘅蒜頭， 鍾意食蒜頭嘅人不容錯過。酥皮黑松露比薩批， 用咗酥皮來做餅底非常之鬆化， 口感特別之餘仲會有黑松露嘅味道。芝士磨菇巴馬火腿比薩批，又係黑色嘅Pizza玩型格路線，上面會有芝士同埋蘑菇同埋一啲巴馬火腿，的都係一個好香濃嘅食物， 真係好正。蒜蓉汁海鮮意大利麵，上面有魷魚蜆肉，仲有青口配埋佢哋嘅意大利麵，每人大約可以食到一兩啖架，海鮮嘅比例都幾多一啲都唔吝嗇。Coconut yogurt 味道唔錯不過椰子味都唔係話好出但係yogurt味道真係好正, 令一樣甜品Tiramisu好夠咖啡味。呢度慶祝生日大家有講有笑而且仲可以坐得好耐，成間餐廳都好型，似晒謝霆鋒嘅性格。