SuSoShu (已結業)

慶祝生日想食返餐好，揀咗呢一間日本菜。平日嘅午市計埋我哋只有兩枱客，餐廳本身非常幽靜。喺OpenRice book位可以有八折。我哋揀咗一個特上壽司套餐同埋壽司套餐。前菜沙律非常開胃，精粹係加咗啲柚子醋，酸酸甜甜。套餐包8件壽司，7件在碟上，剩下一件係手卷，師傅見我地食到咁上下就會整比我地，以免紫菜淋左。全部食材都好新鮮，呢到嘅壽司比較多調味，每樣魚生上都掃了不少醬料。整體用餐體驗不錯，唯獨係員工會企喺客人旁邊吹水，距離好近，有點騷擾。