75
4
1
港鐵尖沙咀/尖東站 L5 出口, 步行約2分鐘 繼續閱讀
電話號碼
26333882
開飯介紹
新派日本菜餐廳,主打壽司、蕎麥麵和日本酒,部份食材由日本直送。而式加入創意元素,例如有特色席前煙燻和牛。 繼續閱讀
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
公眾假期
12:00 - 15:00
18:00 - 22:00
公眾假期前夕
12:00 - 15:00
18:00 - 22:00
付款方式
Visa Master AlipayHK 支付寶 現金 AE 銀聯 JCB
座位數目
26
其他資料
網上訂座
餐廳運作模式 - B類
當面支付
有關獎賞計劃
食評 (87)
等級4 2021-10-09
188 瀏覽
見資深清酒達人到訪此店,想着應該不差,便來嚐新。店面分兩部分,為吧枱及餐枱;識揀,當然揀吧枱啦。來的時間尚早,我是第一位客人,但不到半小時已坐滿近三分二客人了。用餐期是八月尾,當時正做推廣,一是全單9折或以優惠價$398享用「特上壽司套餐」(原價$498),套餐包括前菜、12件壽司、麵豉湯及甜品。吧枱的酒櫃置有大量日本清酒,其中幾款更可以杯/$70或酌/$140享用;正當不知如何決擇時,侍者說可試味後再決定,實在貼心。之後選了「榮光富士的風刃」,米種來自新潟縣產的五百萬石,辛口、爽甜,口感均衡優美,無濾過生酒系列更能保留原有的風味。沙律菜配上少許蘿蔔絲,清新爽脆、酸酸甜甜;打開胃口。11件壽司,師傅會視乎當日來料以決定食材,當天有甜蝦、吞拿、赤蝦、深海池魚、左口魚魚邊、魷魚、鰻魚、金鯛、松葉蟹肉、鯖魚、2粒吞拿魚飯團,米飯採用日本越光米,口感軟黏富彈性,滿有米香;加了適量的赤醋,不但帶出魚肉的甘甜,也提升了鮮味。因是午市套餐,師傅因時制宜,將每件的味道也調配得比較接近,那就不用分次序,可按照個人喜好而決定先後次序。另加一件三文魚籽蟹肉天婦羅手卷,魚籽色澤橙紅飽滿,晶瑩剔透,飯中便是香脆的蟹肉天婦羅,口感鮮美獨特,紫菜很脆口,應是烤過才奉客,所以請盡快享用。麵豉湯材料豐富且鮮美,豆腐滑溜。甜品是寒天,內藏一粒大大的龍眼肉,甜度不算高,清新爽口。以這價錢絕對食得過,下次可試晚市套餐,聽說熟客都不少,想試記得先訂位呀。SuSoShu地址: 尖沙咀亞士厘道17-19號1樓電話: 26333882 繼續閱讀
(以上食評乃用戶個人意見 , 並不代表OpenRice之觀點。)
等級4 2021-09-09
24 瀏覽
形容一餐Omakase 集合味覺、視覺及聽覺上的三重享受,當然要歸功於食物、擺盤、背景音樂及日本師傅嘅談肚。位於尖沙咀的新派日本菜餐廳,主打壽司、蕎麥麵和日本酒,取名於"Su"shi、"So"ba、Nihon"shu" 三大元素成為SuSoShu新鮮食材由日本直送,加入創意元素,連埋總廚以正宗日本烹調的細緻,令人尤如置身日本之餘,又不失同廚師溝通分享,渡過珍貴的三小時時光。餐廳以木系為主調,座位大約容納20多人,BAR檯是提議必須訂的位置,另外最吸睛的就一定係一個大大的酒櫃裝載著唔同種類嘅精選日本酒。為慶祝餐廳開業一週年,由即日至9月30日,必須推薦呢個全新廚師發辦晚市套餐,係一個復刻套餐,回顧餐廳一週年主打款式的限定晚市廚師發辦。每人$1,480的套餐共有十道創意料理,逢星期一至四經OpenRice訂座,全日可享全單8折優惠,周末則享全日全單9折優惠!訂位著數就講完啦,就等小編長氣咁同大家介紹一下。=̶櫻花蝦脆片=̶推介:⭐️⭐️⭐️⭐️先來一個頭盤小食,平時食開的櫻花蝦脆片大多以台式的薄脆居多,呢個櫻花蝦脆片自家油炸,蝦片脆卜卜帶點鹹香,上面加左清新碎粒青檸皮,開胃前菜小食為之後的主角拉起序幕。=̶火炙帆立貝魚生他他=̶推介:⭐️⭐️⭐️⭐️⭐️頭盤刺身有西日創意料理,火炙帆立貝魚生他他 ,三塊鮮味帆立貝刺身,加入三文魚籽、地膚子及新鮮士多啤梨乾點綴,再配上特製粟米芡汁及米鍋巴做調味增加口感,成為獨有的刺身他他,精緻非常。一片刺身配一塊鍋巴,集合香軟鮮脆三重味覺。 =̶醬油漬鰹魚刺身=̶推介:⭐️⭐️⭐️⭐️⭐️同樣是西日式的做法,將油漬鰹魚皮層燒香,鰹魚魚身香口軟滑,沾上百里香醬汁再灑上炸蔥絲,又多了一層香口感,小菊花伴碟陪襯,底層放了片片昆布,平衡第二款刺身的魚油感。 =̶蝦真丈=̶推介:⭐️⭐️⭐️⭐️名為真丈即是日式的蝦肉球,吸睛打卡的紫蘇花放在上層,將花壓碎灑落真丈上多了一份幽香,傳統日式蝦丸比較林身難入口,總廚加入虎蝦肉將其變成口感軟硬平均嘅肉球。加埋柚子皮清香點綴,鮮甜爽彈又開胃,而且芡汁用上長腳蟹蟹肉烹調,倍感高貴。=̶時令壽司四貫 (壽司8選4)=̶推介:⭐️⭐️⭐️⭐️⭐️套餐亡六其中一款主角由精選的八款壽司中挑選四款。中吞拿魚腩: 熟成吞拿魚,入口魚味清中帶濃、筋位細軟,作為頭一款由淡到濃的壽司是最好的Opening。牡丹蝦: 產自日本北海道,是產量較少的高背長額,肉質爽甜,最驚豔係總廚完美用哂成隻蝦,連蝦頭的膏同肉都放埋上蝦身之上,順滑新鮮口感再加埋蝦味濃郁令人讚譽!金目鯛: 來自九州的熟成金目鯛,紋理誘人、已微微切開的刀工令刺身咬口順暢,金目鯛的鮮魚味道出眾。炙燒右口魚邊: 呢款係必選架!!食到最濃味一款重點係「真真真係」入口即溶,師傅介紹返右口魚邊比左口魚更重油份、入口即會浸出油香,可以參考食左口魚口感係食到有渣,而右口魚係入口完全無渣,就知乜料啦!=̶究極海膽=̶推介:⭐️⭐️⭐️⭐️⭐️小編最期待嘅足料北海道海膽手卷黎啦!打卡之前同總廚講聲「我準備好啦」佢話「我都準備好啦」哈哈連成一排大約40-45g北海道海膽由總廚手上接棒,色澤橙黃分明、份量澎湃、入口即溶,味道甘飴,口感幼滑、完美覆蓋下面的醋飯,濃郁Creamy可口!師傅用上燒過密度高的紫菜將其輕輕燒過,打完卡要即刻放落口! 享受外脆內軟嘅感覺😋👍=̶磯煮鮑魚配大根=̶推介:⭐️⭐️⭐️⭐️磯煮鮑魚的肉質爽甜易咬,一開四份齊整呈上,慢煮鮑魚再加入香甜醬汁,連下層的大根蘿蔔都軟軟的吸盡醬汁的精華。=̶熊本和王壽喜燒 (加松茸)=̶推介:⭐️⭐️⭐️⭐️⭐️來自熊本縣的頂級黑毛和牛「和王」稱得上和王雪花等級要去到六度或以上,經過28個月於熊本縣飼養,將特級松茸加入壽喜燒醬汁中烹煮,香味四溢之中享受極緻嘅和牛油膩感。入口即溶的細膩肉質及牛味濃郁是肯定的,將其放於日本生蛋汁混合壽喜燒汁,影相時已口水不斷流😆=̶十割蕎麥麵=̶推介:⭐️⭐️⭐️⭐️⭐️日本鹿兒島直送的招牌蕎麥麵,100%蕎麥粉製作而成無麩質,比一般蕎麥香氣較重,麵質亦較實身,店員指示可以首先將蕎麥麵配麵汁,再享受蕎麥麵配芥末香蔥加麵汁的濃味。自家製麵汁由日本直送蟹乾、蝦乾、魚乾、海帶及昆布等材料熬煮而成,看似簡單的招牌菜其實內藏總廚的心思細膩。=̶是日甘味=̶推介:⭐️⭐️⭐️⭐️⭐最終打卡總廚向絕版甜品致敬之作,上層的星空寒天,以松竹梅白壁藏「澪」氣泡清酒製成,要呈現星空與海洋的夢幻組合,先要將氣泡定形同寒天混合,再加入碟豆花汁、檸檬汁及清酒,形成藍色漸層海洋效果。除左純天然不加任何人造色素外,店主還因為配合燈光橙黄的關係多次調色,先可以調到與背景紅葉形成紅藍綠白的絕美畫面👏口感是帶點清香的清酒酒味道,口感Q彈爽口。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-09-09
473 瀏覽
高質豐盛嘅十道菜👏🏻每道菜都精緻用心💕係近期最滿意omakase ——————————————————👉🏻Omakase $1480pp1️⃣鯛魚內臟cream cheese餅Cream cheese 濃郁,幾好食2️⃣刺身貝肥美飽滿既岩手縣米崎生蠔,其實唔洗調味都夠曬鮮甜❤️3️⃣刺身魚包括真鯛,金目鯛,飛魚輕輕燒過,再加以調味,鮮味更突出4️⃣鮑魚茶漬飯賣相精美 鮑魚彈牙5️⃣時令壽司包括右口魚,鯛魚,拖羅,鯖魚全部都好新鮮,其中以右口魚最為驚艷😋 油脂超香6️⃣究極海膽賣相超吸引🤣 可惜甜度差少少 🤏7️⃣ 和牛粒好香油脂味❤️ 得3粒唔夠喉🤣8️⃣ 味噌漬龍蝦龍蝦經味噌調味後更惹味,有啲似西京燒加埋龍蝦蛋黃醬,會有似許咸,店員建議配埋清酒就剛剛好👍🏻9️⃣ 蕎麥麵彈牙有口感🔟 甜品少少清酒味,少少閃粉,閃令令✨好靚😝不過有點值得提一提,bar枱太高,導致睇唔到師傅準備嘅過程🤷🏻‍♀️少左啲體驗感🙈P.s. 7月時到訪,最近好似有新menu,詳情請向餐廳查詢by C **#sissyfoodie 繼續閱讀
(以上食評乃用戶個人意見 , 並不代表OpenRice之觀點。)
等級4 2021-08-29
522 瀏覽
前幾日試左一間新派的Omakase😍入到去職員就介紹店名的由來SU壽司 SO蕎麥麵 SHU日本酒係佢地堅持做好的作品小編好喜歡呢類有故事的店因為呢個就係開店或營運的原則吾會差得去邊🔅燒螢光魷魚🦑配銀雪魚脆餅🫓甘香的魷魚同香濃的銀雪魚芝士脆餅提升口腔的敏感度 熱一熱身🔅富山灣白蝦🦐松葉蟹他他🦀係一個手工菜除左時間外仲係一種配搭白蝦鮮甜但清淡中間有層啫喱清新口腔再係鮮甜的松葉蟹好出色🔅北海道~雲師博用左岩鹽做泡泡雲☁️再用北海道3.6牛乳🥛做冷凍最後加上橄欖油甜鹽混和加上奶香 除左外觀 此菜係為左舖排下一道菜清新口腔🔅時令壽司四貫🍣-長崎鱸魚:爐魚魚味清淡爽口;師博用熱水等魚皮收縮更爽口,上面加上風乾烏魚子磨粉更鮮味-愛媛縣蜜柑青魚:因為食左蜜柑🍊所以魚肉偏向清香鮮甜,冇普通青魚咁腥,食落有一陣果味。-吞拿魚赤身:燒熱左鐵板再燙落去 既有鐵板燒嘅香 亦可以保留魚肉的鮮味 因為用火直接燒會好快燒熟魚肉-燒右口魚邊:比左口魚更多油脂,用蒜頭汁醃漬,冇渣而且特別多油🔅大金槍魚腹紫蘇卷用熟成一星期大拖羅 上面配上山葵漬加紫蘇葉食到大拖羅的香濃油鮨同時又吾會太油膩 開始進入正題😍🔅究極海膽師博用左北海道浜中小川海膽鮮味很足而且味型豐富,通常甘甜度很高。絕係普通海膽的苦澀味而且味道濃郁 仲有after taste😋好想食多份🔅燒北海道鱈場蟹🦀北海道雪場蟹用岩鹽輕輕燒過配蟹醋同用蟹膏黎整嘅蟹麵豉蟹鮮味再配上蟹的醬料真係好有層次的享受😋🔅燒鹿見縣赤雞🐓呢個係令我好驚喜的菜雞煮到半生熟 口感爽口再配上九條蔥汁令燒雞冇咁多油膩感食吾停口😋😋😋🔅十割蕎麥麵🍝十割指十成蕎麥粉加少量水造成的蕎麥麵係蕎麥麵當中最好食的而呢間店強調自己堅持蕎麥麵的質量蕎麥麵好煙銀亦都好強嘅蕎麥味而湯汁用魚仔乾同蝦仔乾煮成分幾重食法首先蕎麥麵配湯汁其次蕎麥麵配芥末配香蔥配湯汁最後再加埋青檸汁三個層次三個享受🔅是日甘甜:清酒寒天啫喱整得好靚 好岩打卡上層的寒天啫喱用米酒整成但只有0.5度酒精下層藍色就用用碟豆花同檸檬汁整成食落好香的清酒香味 但吾會好苦澀加上檸檬汁的下層寒天啫喱清新口腔 好好的作結🔉🔉🔉🔉偷聽到9月有一週年餐單聽聞其中一道菜百里香醬油鰹魚 繼續閱讀
(以上食評乃用戶個人意見 , 並不代表OpenRice之觀點。)
餐廳近排推出左全新晚市套餐,以海鮮為主題,十道唔同煮法嘅菜式夠晒豐富!┄┅┄┅┄┅┄┅┄❦ 晚市套餐 $1480/位 (2位起)¸.·´¯❧ 燒螢光魷魚配銀鱈魚脆餅脆餅同魷魚都有淡淡鹹香味,配上芝士非常開胃。-¸.·´¯❧ 富山灣白蝦松葉蟹他他他他有三層,底層係松葉蟹肉,中間有柚子啫喱,最頂層係白蝦同蛋黃,成道菜食到海鮮嘅鮮味仲有淡淡柚子清香。最後仲有yogurt同果乾refresh下😍-¸.·´¯❧ 北海道~雲面前係海鹽泡泡,下面係北海道牛乳奶凍加初榨橄欖油,鹹甜交錯味道好特別!-¸.·´¯❧ 時令壽司 四貫┍ 宮城縣凡立貝┍ 愛媛縣蜜柑鯖魚┍ 火炙吞拿魚┍ 右口魚邊每一款刺身都係勁勁勁新鮮!值得一提嘅係火炙吞拿魚用火燒熱鐵板,然後用鐵板嘅熱力燒熟吞拿魚表面,所以食落有鐵板燒嘅味 // 另外,左口魚就食得多,但右口魚邊真係未食過!用蒜頭汁醃過嘅右口魚再俾火燒一燒,油脂味勁香!-¸.·´¯❧ 大金槍魚腹紫蘇卷熟成一星期嘅大拖羅油脂豐富,入口即溶,但用左紫蘇葉就可以消除油膩感。-¸.·´¯❧ 究極海膽成排海膽上夠晒邪惡!因為夠新鮮一啲都唔腥🤩-¸.·´¯❧ 燒北海道鱈場蟹嚟到熟食嘅第一道係長腳蟹,蟹腳好多肉,點蟹醋/蟹味噌都一樣咁香口。-¸.·´¯❧ 燒鹿兒島赤雞原來呢款雞係可以當刺身食,不過呢到就將佢煮到8成熟,再淋上九條蔥同蘿蔔蓉汁,好香~-¸.·´¯❧ 十割蕎麥麵~冷呢個招牌菜真係超!好!食!有別於坊間嘅蕎麥麵,呢到嘅係100%蕎麥粉整成,所以食落超煙韌🤩🤩🤩-¸.·´¯❧ 是日甘味呢個整到成幅畫咁嘅啫喱,係用清酒同碟豆花整成,口味清新~-所有野食都好高質又超豐富,每位店員都好用心介紹食物,值得再訪😋評分:🌕🌕🌕🌕🌗 繼續閱讀
(以上食評乃用戶個人意見 , 並不代表OpenRice之觀點。)