和牛燒肉一郎 (新都城中心二期) (已結業)

收爐啦！！！努力咗一年當然要食番餐好嘅慰勞下自己，今次就揀咗新都城中心入面嘅和牛燒肉一郎，門口有一大隻牛同棉花糖機，超易揾！Course B（$448）呢個套餐有成102款食品比你揀，牛肉有成25款，想食特選牛已經好足夠。只要scan QR code就可以落單，然後就會極速經上菜帶送到你張枱，又衛生又有效率！個人有三款特別推薦嘅菜品，第一名係大判壽喜燒牛里脊肉，我自己都食咗4大塊，牛味超香濃配蛋汁更滑。第二款係特上牛舌棒，食落爽口，油脂又豐富，絕對係牛魔王之選。第三款係日本豚五花，豬味香濃，薄切容易燒又脆口，加埋生菜就唔怕太油啦！場中間有自助沙律吧同飲品任拎，有不同款式嘅美人水，清新又消滯，同燒肉完全perfect match!甜品方面，有爆谷、六款自家製甜品杯同多款日本直送雪條，款款都超吸引，我就超鍾意佢嘅石板街同玉桂蘋果芝士餅，前者超級香濃，唔甜之餘，可可苦澀味好過癮，後者有玉桂味，夠香甜！優惠方面，我哋提早訂位有得免費升級海鮮船，有齊蠔、鮑魚、虎蝦等新鮮海鮮，有得打卡又有得食，記得打電話book枱！另外Hoegaarden白啤酒系列有買一送一，好抵飲，仲有外賣自取套餐，想喺屋企燒